CM Sukhu: सौर ऊर्जा परियोजनानां प्रचारार्थं ‘आगच्छन्तु सौर-ऊर्जापरियोजना: स्थापयन्तु’ इति उपक्रमः
हिमसंस्कृतवार्ता:- शिमला ।
हिमाचलप्रदेशे सौर ऊर्जा उत्पादनं प्रवर्धयितुं राज्यसर्वकारः ‘आगच्छन्तु सौर- ऊर्जापरियोजना: स्थापयतु’ (‘कम एंड इंस्टॉल सोलर पावर प्रोजेक्ट्स’) इति उपक्रमे कार्यं कुर्वन् अस्ति। राज्ये निजीक्षेत्रे सौरऊर्जापरियोजना: स्थापयितुं युनः उद्यमिनः च प्रोत्साहयितुम् अस्य मुख्यम् उद्देश्यम् अस्ति। इयं सूचना मुख्यमन्त्री सुखविन्दरसिंहसुक्खुना हिमाचलप्रदेशराज्यविद्युत्मण्डल लिमिटेड, ऊर्जा तथा अन्यसम्बद्धविभागानाम् सभायाः अध्यक्षतायां दत्ता। सुखविन्दरसिंहसुक्खुः उक्तवान् यत् ‘आगच्छन्तु सौरऊर्जा परियोजनाः स्थापयन्तु’ इति उपक्रमस्य अन्तर्गतं सौरऊर्जा परियोजनानां अनुप्रयोगानाम् प्रक्रियाणां च शीघ्रं निर्णयं कर्तुं निर्देशाः दत्ताः। आवेदकानां सुविधायै सर्वा: बाधा: समये एव दूरीकृत्य तेभ्यः सर्वसम्भवं साहाय्यं क्रियते। अस्मिन् क्षेत्रे कार्यक्षमता अधिकं वर्धिता अस्ति।
मुख्यमन्त्री उक्तवान् यत् राज्यं हरित ऊर्जाराज्यं कर्तुं सौर ऊर्जा परियोजनानां महत्त्वपूर्णा भूमिका अस्ति। सौर ऊर्जा परियोजनाभिः क्षेत्रस्य अर्थव्यवस्थाः वर्धन्ते। युनां कृते रोजगारस्य स्वरोजगारस्य च अवसराः सृज्यन्ते। पारिस्थितिकसन्तुलनार्थं पर्यावरणसंरक्षणार्थं च सौरऊर्जापरियोजना: महत्त्वपूर्णा: सन्ति। सः अवदत् यत् राज्ये निजीक्षेत्रे आहत्य ३०० मेगावाट् क्षमतायुक्ताः धरातले स्थापिताः सौरविद्युत्परियोजनाः आवंटिताः सन्ति, येषु ६२ मेगावाट क्षमतायुक्ताः परियोजनाः स्थापिताः सन्ति। सर्वकारीयक्षेत्रे ३२ मेगावाट् सौरविद्युत्परियोजना स्थापिता अस्ति, १५ मेगावाट क्षमतापरियोजना निर्माणाधीना अस्ति। हिमाचलप्रदेशराज्यविद्युत् बोर्ड लिमिटेड इत्यस्य विविधकार्यस्य समीक्षां कुर्वन् मुख्यमन्त्री बोर्डस्य राजस्वं संसाधनं च वर्धयितुं नवीनप्रयत्नाः कर्तुं निर्देशं दत्तवान्। सः अवदत् यत् अधिकारिणः संसाधनानाम् उत्तम-उपयोगाय, विभिन्नासु परियोजनासु उत्पादनक्षमतायां विकासं कर्तुं सकारात्मक- वृत्त्या परामर्शा: दातव्याः।
मुख्यमंत्री विभिन्नानोपक्रमेभ्य: परियोजनाभ्य: च ऊर्जाक्रयव्ययेन सम्बद्धानां पक्षाणां विस्तृता सूचना स्वीकृतवान्। सः विद्युत: विवेकपूर्वकं क्रयणे, संसाधनानाम् सम्यक् उपयोगे च विशेषं बलं दत्तवान्। सः विद्युत्मण्डले निविदाप्रक्रियायां पूर्णपारदर्शिता, समयसापेक्षता च सुनिश्चित्य निर्देशं दत्तवान्। सः विभागीय-वृत्त-स्तरस्य, वृत्त-स्तरस्य च तकनीकी-व्यापारिकहानिविषये विस्तृतसूचनाः गृहीत्वा अधिकारिभ्यः आवश्यकान् निर्देशा दत्तवान्। सः अधिकारिभ्यः अपि उत्तमप्रबन्धनार्थं राजस्वमानचित्रणार्थं आवश्यकानि पदानि स्वीकुर्वन्तु इति आह।
