Himachal Employees : सचिवालयस्य कर्मचारीनेतारः १५ अक्टोबर् दिनाङ्के साधारणसभाम् आहूतवन्त:
हिमसंस्कृतवार्ता: – शिमला।
राज्यसचिवालयस्य कर्मचारीनेतारः १५ अक्टोबर् दिनाङ्के पुनः सामान्यसदनं आहूतवन्तः। तस्य विरुद्धं विशेषाधिकारसूचना न निवृत्ता, कर्मचारिणां लम्बितयाचना: न श्रुताः इति कारणेन एषः निर्णयः कृतः अस्ति। इयं सूचना राज्यसचिवालय- सेवाकर्मचारी-महासंघस्य अध्यक्ष: संजीवशर्मा तथा महासचिव कमलकृष्ण: शर्मा अवदताम्।
मंगलवासरे शिमला-नगरस्य राज्यसचिवालये अध्यक्षस्य संजीवशर्मा इत्यस्य अध्यक्षतायां सभा आयोजिता। महासचिवः कमलकृष्णशर्मा इत्यस्य मते राज्यसचिवालयस्य परिसरे १५ अक्टोबर् दिनाङ्के अपराह्ने १.३० वादने महासदनस्य आह्वानं भविष्यति इति निर्णयः कृतः अस्ति। उल्लेखनीयं यत् अस्मात् पूर्वमपि सचिवालयसेवासङ्घः द्विवारं एतादृशं महासदनं आहूय वेतनस्य अवशिष्टांशस्य च विषये कर्मचारिणां याचना: प्रमुखतया उत्थापितवान्।
अस्य सामान्यसदनस्य विषये तकनीकीशिक्षामन्त्री राजेशधर्माणी कर्मचारीनेतृणां विरुद्धं आपत्तिजनकं टिप्पणं कृतवन्तः इति आरोपं कृतवान् आसीत्, यत् विधायकस्य विशेषाधिकारस्य अवमानना अस्ति। अस्मिन् विषये राजेश: धर्माणी विधानसभायाः अध्यक्षाय राज्यसचिवालयस्य पञ्चकर्मचारिनेतृणां विरुद्धं विशेषाधिकारस्य उल्लङ्घनस्य प्रस्तावम् अयच्छत्, यस्य उत्तरं सचिवालयप्रशासनविभागात् प्राप्तम् अस्ति। एतस्मिन्नन्तरे राज्यसचिवालयस्य एते कर्मचारीनेतार: आशावन्त: आसन् यत् मुख्यमन्त्री तान् वार्तालापाय आहूयते इति।
