भारते प्राप्तः मंकीपॉक्स-रोगस्य प्रथमः रुग्णः

भारते प्राप्तः मंकीपॉक्स-रोगस्य प्रथमः रुग्णः
हिमसंस्कृतवार्ताः,नरेशमलोटिया नादौन। भारते मंकीपॉक्स-रोगस्य प्रथमः रोगी प्राप्तः अस्ति। केन्द्रीयस्वास्थ्यमन्त्रालयेन सोमवासरे एतस्य पुष्टिः कृता। एषः एव व्यक्तिः यः अद्यैव मंकीपॉक्स-रोगप्रकोपयुक्तदेशात् प्रत्यागतवान्, रविवासरे च अस्य रोगस्य शङ्कितः इति परिचितः। सम्प्रति रोगी एकान्तस्थाने एव स्थापितः अस्ति। तस्य व्यक्तितः नमूना: संगृहीताः, अधुना अन्वेषणानन्तरं सः मंकीपॉक्स-रोगेण संक्रमितः इति पुष्टिः अभवत्। गतमासे विश्वस्वास्थ्यसङ्गठनेन (WHO) द्वितीयवारं मंकीपॉक्स-रोग: अन्तर्राष्ट्रीयचिन्ताजनकः जनस्वास्थ्य- आपत्कालः (PHEIC) इति घोषितः यतः एषः आफ्रिकादेशस्य अनेकभागेषु प्रसृतः। २०२२ तमे वर्षे WHO-संस्थायाः PHEIC इति घोषणायाः अनन्तरं भारते अस्य रोगस्य ३० प्रकरणाः ज्ञाताः सन्ति, अस्मिन् वर्षे मार्चमासे अस्मिन् संक्रमणे अन्तिमः प्रकरणः ज्ञातः। विश्वस्वास्थ्यसङ्गठनस्य पूर्ववक्तव्यस्य अनुसारं २०२२ तमे वर्षात् ११६ देशेषु ९९,१७६ मंकीपॉक्सचेचकस्य प्रकरणाः ज्ञाताः, येषु २०८ जनाः मृताः गतवर्षे संक्रमितजनानाम् संख्यायां महती वृद्धिः अभवत्, अस्मिन् वर्षे अद्यावधि ज्ञातानां प्रकरणानाम् संख्या गतवर्षस्य सम्पूर्ण-संख्याम् अतिक्रान्तवती अस्ति।
मंकीपॉक्स-रोग: एकः वायरल-जूनोसिस् अस्ति यस्य लक्षणं पूर्वं चेचकरोगिषु दृष्टस्य सदृशं भवति, यद्यपि चिकित्सकीयदृष्ट्या तस्य लक्षणं न्यूनं भवति। जूनोसिस् अथवा जूनोटिक रोगः मनुष्येषु संक्रामकः रोगः अस्ति यः रोगाणुना उत्पद्यते। अधिकारिणां मते सामान्यतया संक्रमणस्य प्रभावः द्वौ चतुःसप्ताहपर्यन्तं भवति। एमपीओएक्स-रोगिणः प्रायः सहायकचिकित्सापरिचर्यया प्रबन्धनेन च सह स्वस्थतां प्राप्नुवन्ति।