Lok Sabha Session : २४ जूनतःआरभ्यते १८ तमायाः लोकसभायाः प्रथमसत्रम्
हिमसंस्कृतवार्ता: ।
१८ तमायाः लोकसभायाः प्रथमसत्रम् अस्य मासस्य २४ दिनाङ्कात् आरभ्यते। अस्मिन् सत्रे नवनिर्वाचितसदस्यानां शपथग्रहणं, अध्यक्षस्य निर्वाचनं, राष्ट्रपतिसम्बोधनं, चर्चा च भविष्यति। यत्र राज्यसभायाः २६४तमं अधिवेशनमपि अस्मिन् मासे २७ दिनाङ्के आरभ्यते। आगामिमासस्य तृतीये दिने आगामि संसदस्य सत्रस्य समाप्तिः भविष्यति।
केन्द्रीयसंसदीयकार्यमन्त्री किरेन रिजिजुः उक्तवान् यत् देशस्य जनाः निर्णयं कृतवन्तः। अधुना देशस्य सेवायै कार्यं कर्तुं अस्माकं कर्तव्यम् अस्ति। सः उक्तवान् यत् संसदः १४० कोटिभारतीयानाम् आकांक्षाणां पूर्तये चर्चां कर्तुम् आदर्शमञ्चः अस्ति।
Andhra News : तेलुगु-देशम् पार्टीति दलस्य प्रमुखः नाराचन्द्रबाबू नायडुः आंध्र प्रदेशस्य मुख्यमंत्रित्वेन शपथ ग्रहणं कृतवान्
हिमसंस्कृतवार्ता: ।
तेलुगु देशम पार्टीति दलस्य प्रमुखः नाराचन्द्रबाबू नायडुः अद्य कृष्णा मण्डलस्य केसरपल्ली इत्यत्र आंध्र प्रदेशस्य मुख्यमंत्रित्वेन शपथ ग्रहणं कृतवान्। प्रधानमन्त्री नरेन्द्रमोदी, केन्द्रीयगृहमन्त्री अमितशाहः, एनडीए- दलस्य नेतारः च शपथग्रहणसमारोहे उपस्थिताः आसन्। तेलुगुदेशमदलस्य प्रमुखः नाराचन्द्रबाबूनायडुः कृष्णमण्डलस्य केसरपल्ली-आइटीपार्क इत्यत्र अद्य प्रातः सप्तविंशतिः निमेषाधिक एकादशवादने राज्यस्य राज्यपालः एस अब्दुलनजीरः आन्ध्रप्रदेशस्य मुख्यमन्त्रीरूपेण शपथग्रहणं कारितवान्। तेनैव सह जनसेनादलस्य त्रयः, भारतीयजनतादलस्य एकं च समेत्य चतुर्विशति नवनिर्वाचितसदस्याः मन्त्रिपरिषदः शपथग्रहणं कृतवन्तः। प्रधानमन्त्री नरेन्द्रमोदी मुख्यातिथिरूपेण कार्यक्रमे उपस्थितः आसीत्। कार्यक्रमे उपस्थिताः अन्ये गणमान्यजनाः केन्द्रीयगृहमन्त्री अमितशाहः, केन्द्रीयस्वास्थ्यमन्त्री तथा भाजपादलस्य अध्यक्षः जेपी नड्डा, केन्द्रीयमार्गपरिवहनमन्त्री तथा च वरिष्ठभाजपानेता नितिनगडकरी, केन्द्रीयकृष्णाङार उत्खननमन्त्री जी किशनरेड्डी, केन्द्रीयमन्त्रिणः एनडीएसहयोगिनं च समेत्य चिराग पासवान, रामदास अथवाले, अनुप्रिया पटेल, महाराष्ट्र मुख्यमंत्री एकनाथ शिंदे, भारतस्य पूर्व उपराष्ट्रपति एम वेंकैया नायडु, भारतस्य पूर्व मुख्यन्यायाधीशः एन.वी. रमणः च उपिस्थतः आसीत्।
PM Modi Italy Tour : प्रधानमंत्री नरेंद्रमोदी जी-सप्त शिखरसम्मेलने सम्मिलितुं गुरुवासरे इटलीं प्रयास्यति
हिमसंस्कृतवार्ता: ।
प्रधानमंत्री नरेंद्रमोदी जी-सप्त शिखरसम्मेलने सम्मिलितुं श्वः इटलीं प्रयास्यति । विदेश-सचिवः विनय-क्वात्रा नवदिल्ल्यां प्रावोचत् यत् शुक्रवासरे जायमाने सम्मेलने भारतं एकेन विकासोन्मुख देशस्य रूपेण आमंत्रितम् अस्ति । सः प्रोक्तवान यत् इयं यात्रा भारताय वैश्विक दक्षिणक्षेत्राय च महत्वपूर्णविषयेषु वैश्विक नेतृभिः सह सुदृढ सम्बन्ध-निर्माणस्य अवसर प्रदास्यति । शिखर सम्मेलने भारतस्य इयं एकदशतमः श्री-मोदिनः च निरन्तरं पञ्चमः भागग्रहणावसरः भविष्यति। प्रधानमंत्री अस्मिन् सत्रे सम्मिलितः भविष्यति । सम्मेलनम् अतिरिच्य, श्रीमोदिनः जी-सप्त-देशानां नेतृभिः सह द्विपक्षीयोपवेशनं अपि सम्भाव्यते । श्रीमोदी इटली-देशस्य प्रधानमंत्रिणा जियोर्जिया-मेलोनी इत्यनया सह उपवेशनं करिष्यति । विदेश सचिवः प्रावोचत् यत् भारतं स्विट्जरलैंड-देशे आयोध्यमाणे यूक्रेन-शांति-शिखर सम्मेलन उचित-स्तरे सम्मिलितं भविष्यति। अस्मिन् मासे स्विट्जरलैंडे आयोक्ष्यमाणे सम्मेलने न्यूनातिन्यूनः नवति देशाः सम्मिलिताः भविष्यन्ति ।
प्रधानमन्त्रीनरेन्द्रमोदी विदेश मंत्री सुब्रह्मण्यम-जयशंकरः च कुवैते दुरापन्ने भीषणे आग्निकाण्डे महद्-दुःखं व्यक्तमकुरुताम्
हिमसंस्कृतवार्ता: ।
प्रधानमन्त्रीनरेन्द्रमोदी विदेश मंत्री सुब्रह्मण्यम-जयशंकरः च कुवैते दुरापन्ने भीषणे आग्निकाण्डे महद्-दुःखं व्यक्तमकुरुताम्। अस्यां दुर्घटनायां चत्वारिशदधिकजनाः कालग्रासभूताः अभवन् सहैव पञ्चशदधिकजनाः व्रणिताः सन्ति। श्रीजयशंकरः आश्वासनं प्रदत्तवान् यत् कुवैते भारतीय दूतावासः प्रभावितेभ्यः सर्वेभ्यः जनेभ्यः साहाय्यं प्रदास्यति ।
