HP Politics : काङ्ग्रेसस्य कारणात् हमीरपुरस्य जनाः रेलसेवाभ्यः वंचिताः अभवन् – अनुरागठाकुर:
हिमसंस्कृतवार्ता:- हमीरपुरम्।
अद्यपर्यन्तं हिमाचलप्रदेशसर्वकारः हमीरपुरसंसदीयक्षेत्रं प्रति रेलसेवाप्रदानाय राज्यस्य भागं निक्षेपयितुं न शक्तवान्, अतः हमीरपुरस्य जनाः रेलसेवाभ्यः वंचिताः सन्ति। केन्द्रीयमन्त्री तथा हमीरपुरस्य सांसदप्रत्याशी अनुरागठाकुरः स्वस्य संसदीयक्षेत्रस्य अन्तर्गतं मण्डीजनपदस्य धर्मपुरविधानसभायाः मंडपग्रामे निर्वाचनसभां सम्बोधयन् एतान् आरोपान् कृतवान्। अनुरागठाकुरः हिमाचलप्रदेशस्य काङ्ग्रेससर्वकारं पृष्टवान् यत् ते २८ सहस्रकोटिरूप्यकाणां ऋणेन किं कृतवन्तः।
‘काङ्ग्रेसस्य कारणात् रेलमार्गः हमीरपुरं प्राप्तुं न शक्त:’
अनुरागठाकुरः अवदत् यत् हिमाचलप्रदेशसर्वकारेण अधुना एव लिखितं यत् वयं रेलवे कृते २५ प्रतिशतं धनं व्यययिष्यामः, परन्तु काङ्ग्रेसनेतृणां संकीर्णचित्ततायाः कारणात् एतत् सम्भवं न जातम्। सः अवदत् यत् सः स्वस्य संसदीयक्षेत्रे रेलमार्गस्य विस्तारं कृत्वा अनेकानि रेलयानानि आरब्धवान्, परन्तु हमीरपुरे काङ्ग्रेसस्य कारणात् अद्यपर्यन्तं रेलमार्गः प्राप्तुं न शक्त:। सः अवदत् यत् हमीरपुर-संसदीय-क्षेत्रस्य विकासस्य परिमाणं काङ्ग्रेस-चिन्तनात् अपि परम् अस्ति, आगामिषु काले अपि मोदी-सहितं विकासस्य गतिः अग्रे गमिष्यति इति।
‘काङ्ग्रेसः आपदि स्वस्य प्रियजनानेभ्य: लाभ: अयच्छत्’
तत्रैव निर्वाचनजनसभायाम् अनुरागठाकुरः हिमाचलप्रदेशस्य मुख्यमन्त्री सुखविन्दरसिंहस्य उपरि अपि घोरवाचिकप्रहारं कृतवान्। अनुरागठाकुरः अवदत् यत् सांसदेभ्यः न्यूनं धनं प्राप्यते, परन्तु विधायकाः अधिकं प्राप्नुवन्ति, तथापि मुख्यमंत्री अद्यावधि २.५ कोटिरूप्यकाणां मध्ये केवलं प्रायः २५ लक्षरूप्यकाणि एव वितरितुं समर्थः अभवत्। एतेन सह आपदाकाले केन्द्रात् प्राप्तेषु १७०० कोटिरूप्यकेषु काङ्ग्रेसराज्यसर्वकारः केवलं प्रायः १४०० कोटिरूप्यकाणि व्यययितुं समर्थः अभवत् अस्मिन् अपि २०० कोटिरूप्यकाणां राशिः अवशिष्टा अस्ति। अनुरागठाकुरः कठोरस्वरेण अवदत् यत् काङ्ग्रेससर्वकारः स्वस्य कोषतः एकं नाणकमपि जनसामान्यं कृते न व्ययितवान्। सः अवदत् यत् आपदाकाले अपि काङ्ग्रेसपक्षः स्वस्य प्रियजनानाम् लाभं दातुं कार्यं कृतवान्, यत् अधुना जनसमूहः कस्यापि परिस्थितौ क्षन्तुं न करिष्यति।
