शिक्षा विभाग – विद्यालयीय-पाठ्यक्रमे समाविष्टं भविष्यति आपदाप्रबन्धनम्
सर्वकारेण निर्मिता समिति:
हिमसंस्कृतवार्ता- कार्यालयीय: प्रतिनिधि:।
हिमाचलप्रदेशस्य विद्यालयेषु आपदाप्रबन्धनपाठ्यक्रमः समाविष्टः भविष्यति। राज्यसर्वकारेण पाठ्यक्रमस्य संशोधनार्थं समितिः निर्मिता। गतवर्षे मानसूनर्तौ राज्ये या प्राकृतिकविपदा अभवत् ततः परं सर्वकारेण महत् निर्णयः कृतः। विद्यालयेषु विविधकार्यक्रमानाम् आयोजनविषये अपि निर्देशाः निर्गताः सन्ति।
सर्वकारस्य अधिसूचनानुसारं समितिः तत्क्षणमेव विद्यालयेषु पाठनीयं पाठ्यक्रमं तस्य कार्यान्वयनार्थं सज्जीकर्तुं सभां करिष्यति, येन राज्ये आपदा- संकट- निवारणपरिहाराः वर्धिताः भविष्यन्ति। समितिं प्रति समर्थनं सचिवालयस्य राजस्वविभागस्य डीएमप्रकोष्ठद्वारा प्रदत्तं भविष्यति।
अधिसूचना निर्गतदिनात् षड्मासानां अन्तः समितिः अन्तिमप्रतिवेदनं प्रस्तौति। निदेशकसहविशेषसचिवः राजस्वं समिते: अध्यक्षः कृतः। तत्रैव विद्यालयीय- शिक्षाबोर्डसचिव:, उच्चतरशिक्षानिदेशक:, प्रारम्भिक शिक्षानिदेशक:, एससीईआरटी सोलनम् एवं समग्रशिक्षा अभियानस्य राज्यपरियोजनानिदेशक: च सदस्या: भविष्यन्ति। समितौ संयुक्तसचिवराजस्वं सदस्यसचिवः कृतः अस्ति।
