शिवराजसिंहचौहानः अवदत् कृषकाणां खातेषु प्रत्यक्षं प्राप्ता ₹२०,५०० कोटिरूप्यका सहायता पारदर्शक-शासनस्य आदर्शः

शिवराजसिंहचौहानः अवदत् कृषकाणां खातेषु प्रत्यक्षं प्राप्ता ₹२०,५०० कोटिरूप्यका सहायता पारदर्शक-शासनस्य आदर्शः
हिमसंस्कृतवार्ताः राघव नाथ झा। प्रधानमन्त्रिणः ‘कृषक-सम्मान-निधि-योजना’ नाम्नि योजनायाः विंशतितमे भागे अन्तर्गतं वाराणसी-नगरात् माननीय-प्रधानमन्त्री श्रीनरेन्द्रमोदिन सम्पूर्णदेशस्य ९.७० कोटिकृषकाणां खातेषु ₹२०,५०० कोटिरूप्यकाणां सहायता-राशेः प्रत्यक्षं अन्तरणं कृतम्। एतेन ऐतिहासिके सन्दर्भे सम्पूर्णे राष्ट्रे ‘पीएम्-कृषकोत्सव-दिवसः’ उल्लासेन समारब्धः। अस्य योजनायाः राज्यस्तरीयं समारोहः बिहार-राज्ये अत्यन्तं भव्यं, शोभनं च वातावरणे सुसम्पन्नः।एतस्मिन् समारोहे माननीयः उपमुख्यमन्त्री-सह-कृषिमन्त्री श्रीविजयकुमारसिन्हः अध्यक्षतां कृतवान्।माननीयः केन्द्रकृषिमन्त्री श्रीशिवराजसिंहचौहानः बापू-सभागारे उपस्थितः सन् कृषकान् सम्बोध्य राष्ट्रस्य कृषकसमुदायं प्रति शुभाशयाः प्रकटितवान्।सः सर्वान् महिलाकृषकान् प्रति ‘रक्षाबन्धनस्य’ पूर्व-शुभाशिषः दत्त्वा अवदत्—”कृषिः भारतीय-अर्थव्यवस्थायाः मेरुदण्डः। एषा योजना कृषकाणां जीवनं नूतनया शक्त्या सञ्चिनोति।”समारोहे बिहार-राज्यस्य वरिष्ठ-मन्त्रिगणः अपि सान्निध्यं कृतवन्तः, यथा—श्रीमती रेणुदेवी (पशु-मत्स्य-संसाधन-मन्त्री),डॉ॰ प्रेमकुमारः (सहकारितामन्त्री),श्रीमङ्गलपाण्डेयः (स्वास्थ्य-मन्त्री),श्रीनितिननवीनः (पथ-निर्माण-मन्त्री) इत्यादयः।राज्य-कृषक-आयोगस्य अध्यक्षः श्रीरूपनारायणमेहतः, कृषिविभागस्य प्रमुख-सचिवः श्रीपङ्कजकुमारः च अपि सभामञ्चं विभज्य स्वसन्देशं प्राकटयन्।श्रीपङ्कजकुमारः स्वागत-सम्बोधनं कुर्वन् अवदत्— “कृषकस्य समृद्धिः एव राष्ट्रस्य समृद्धिः। एषा योजना अतीव सहायकत्वेन युक्ता। बिचौलिनां विना प्रत्यक्षं सहाय्यं कृषकाणां खातेषु आगच्छति, यत् शासनस्य पारदर्शकत्वस्य प्रतीकम्।

“माननीयः उपमुख्यमन्त्री श्रीविजयकुमारसिन्हः स्वभाषणे अवदत्—”कृषिक्षेत्रे क्रान्तिकारी-परिवर्तनानि सुस्पष्टानि। एषा सहायता-राशिः कृषकानां प्रति सम्मानचिह्नरूपेण तेषां खातेषु प्रत्यक्षं आगच्छति।”सः पुनः अवदत्—”भारतं ग्रामेषु वसति। ग्रामाणां आत्मा कृषकः। कृषकः यदि सशक्तः स्यात्, तर्हि राष्ट्रं अपि सशक्तं भविष्यति।”सः बलं दत्त्वा अवदत्—”बिहार-राज्यः कर्षिकं लाभजनक-व्यवसायं कर्तुं सततं प्रयत्नशीलः। उत्पादनस्य वृद्धिः, व्ययस्य न्यूनता, विपणिना सह सम्बन्धः च अस्माकं प्राथमिकताः।उर्वरकस्य सुगम-आपूर्तिः, वितरणं च सुनिश्चितं क्रियते। कालाबाजारी-नियन्त्रणाय सक्ततया प्रयत्नः अपि कृतः।”
माननीयः कृषिमन्त्री श्रीशिवराजसिंहचौहानः अवदत्—”यशस्वी प्रधानमन्त्री श्रीनरेन्द्रमोदिना कृषकस्य सशक्तिकरणं दीर्घकालीन-स्वप्नरूपेण दृष्टम्। अद्य ११ कोट्यधिक-कृषकाः प्रतिवर्षं ₹६,००० रूप्यकाणां प्रत्यक्षं सहायता-रूपेण लाभं विना भेदभावं प्राप्नुवन्ति।
बिहारराज्येऽपि लक्षाधिक-कृषकाः अस्य लाभं प्राप्नुवन्ति।”
सः अपि उक्तवान्—”बिहारभूमिः गौरवास्पदा। अत्र यदा बीजं रोप्यते तदा विकासपुष्पाणि प्रस्फुटन्ति। अत्र विज्ञानं, दर्शनं च समृद्धं दृश्यते। अत्रजनानां परिश्रमस्य ख्यातिः अखिलं जगत् स्वीकरोति।”
प्रधानमन्त्रिणः ‘स्वदेशी-वस्तूनां उपयोगः’ इत्यस्य अपीलं समर्थनं कुर्वन् सः अवदत्—
“स्वदेशीवस्तूनां सेवनमेव आत्मनिर्भर-भारतस्य पन्थाः। ‘वोकल् फॉर् लोकल्’ इत्येतत् केवलं न नारायण-वाक्यम्, अपि तु राष्ट्र-निर्माणस्य मन्त्रः।एतत् जनान्दोलनं भवतु, देशस्य अर्थव्यवस्था च सुदृढा जयतु।”