CBSE Result 2025 – सीबीएसई – दशमी-द्वादशीकक्ष्यो: परीक्षापरिणाम: घोषित:, बालिकाः हिमाचले शीर्षस्थाने
हिमसंस्कृतवार्ता:।
केन्द्रीय-माध्यमिकशिक्षामण्डलस्य (CBSE) दशमी-द्वादशी-कक्ष्यो: परीक्षापरिणामः घोषितः अस्ति। छात्राः DigiLocker मार्गेण स्वपरीक्षाफलं द्रष्टुं शक्नुवन्ति। हिमाचलप्रदेशे सीबीएसई-दशमी-द्वादशी-परीक्षापरिणामेषु बालिकाः शीर्षस्थानं प्राप्तवत्य:। उभयोः वर्गयोः उत्तीर्णता प्रतिशतं राष्ट्रियस्तरतः श्रेष्ठम् अस्ति । राज्यस्य २३२ विद्यालयेषु १२ कक्षायाः परीक्षायाः कृते ११,४१७ छात्राणां पञ्जीकरणं कृतम् । तेषु ११,३८५ जनाः परीक्षायाः कृते उपस्थिताः आसन् । १०,५६१ छात्राः परीक्षायां उत्तीर्णाः अभवन् । उत्तीर्णता प्रतिशतं ९२.७६ आसीत् । यत्र कन्यानां दशम-द्वादश-कक्षायाः परीक्षापरिणामेषु उत्तमं प्रदर्शनं कृतम् अस्ति। ९५.३ प्रतिशतं बालिकाछात्राः ९०.७७ प्रतिशतं बालकछात्राः च परीक्षायां उत्तीर्णाः अभवन् । राज्यस्य परीक्षापरिणामाः समीपस्थराज्यपञ्जाब: (९२.४७), हरियाणा (९१.०४), उत्तराखण्ड: (८६.१५) इत्येतेभ्य: उत्तमाः सन्ति । परीक्षायै राज्ये १०८ केन्द्राणि निर्मिताणि आसन्।
दशमवर्गे उत्तीर्णता ९७.२६ प्रतिशतम्
यत्र राज्ये दशमीकक्षायां १७२०४ छात्राः पञ्जीकरणं कृतवन्तः, १७१७७ छात्राः परीक्षायां उपस्थिताः आसन्। अस्मिन् ९,५१६ बालकाः, ७,६६१ बालिकाः च सन्ति । १६,७०६ छात्राः परीक्षायां उत्तीर्णाः अभवन्, उत्तीर्णता प्रतिशतं च ९७.२६ वर्तते । ९८.०९ प्रतिशतं बालिकाछात्राः ९६.५८ प्रतिशतं बालकछात्राः च परीक्षायां उत्तीर्णाः अभवन् । एवं प्रकारेण दशमी कक्षायां अपि कन्याः शीर्षस्थानं प्राप्तवत्य:। दशमीकक्षायाः परीक्षायाः परिणामेषु अपि उत्तराखण्डः, हरियाणा, पञ्जाबः च हिमाचलतः पश्चात् अभवन् । राज्यस्य दशमश्रेणीपर्यन्तं ३२० विद्यालयानां ११९ केन्द्रेषु परीक्षा कृता।
