उत्तराखण्डे अक्षयतृतीयायाः शुभावसरे पवित्रा चारधामयात्रा समारब्धा

उत्तराखण्डे अक्षयतृतीयायाः शुभावसरे गंगोत्री-यमुनोत्री धाम्नोः कपाटोद्वाटनेन सह पवित्रा पुण्या च चारधाम इत्याख्या प्रसिद्धा यात्रा समारब्धा
हिमसंस्कृतवार्ता: – उत्तराखण्डे अक्षयतृतीयायाः शुभावसरे उत्तरकाशी-मण्डले भक्तानां कृते गंगोत्री-यमुनोत्री धाम्नोः कपाटोद्घाटनेन सह पवित्रा पुण्या च चारधाम इत्याख्या प्रसिद्धा यात्रा समारब्धा। षड्मासात्मिकायाः अस्याः तीर्थयात्रायाः आरम्भः चतुर्णां पूज्यानां हिमालयीयतीर्थानां माध्यमेन आध्यात्मिकरूपेण महत्त्वपूर्णयात्रायाः आरम्भः भवति । प्राप्तवार्तानुसारं वैदिकमन्त्रोच्चारेण धार्मिकानुष्ठानेन च द्वाराणि उद्घाटितानि । अस्मिन् अवसरे देशस्य विभिन्नेभ्यः भागेभ्यः बहवः श्रद्धालवः प्रार्थनां कृतवन्तः । अत्रावधौ मुख्यमन्त्रिणा पुष्करसिंह-धामिना गंगोत्री-धाम्नः दर्शनं प्रार्थना च कृता। श्रीधामी अवदत् यत् राज्यसर्वकारेण तीर्थयात्रीणां सुविधायै व्यापकी व्यवस्था कृता अस्ति । अवधेयं वर्त्तते यत् शुक्रवासरे केदारनाथधाम्नः द्वारं उद्घाट्यते, रविवासरे बद्रीनाथधाम्नः द्वारमपि उद्घाट्यते।