HP Politics : किम् हिमाचलं पुनः एकवारं राजनैतिक- अस्थिरतां प्रति गच्छति?
मुख्यसंसदीयसचिवानां विषये उच्चन्यायालयस्य निर्णयानन्तरं भाजपा- काङ्ग्रेसयोः मध्ये द्वन्द्व:
हिमसंस्कृतवार्ता:- कार्यालयीय: प्रतिनिधि:।
हिमाचले मुख्यसंसदीयसचिवानां विषये उच्चन्यायालयेन निर्णयस्य अनन्तरं राज्ये राजनैतिक- अशान्तिः तीव्रताम् अवाप्नोत्। सम्प्रति अस्य विषये सत्ताधारीपक्षस्य विपक्षस्य च मध्ये वाक्युद्धं प्रचलति।
वास्तविकी पटकथा तु नेपथ्ये एव लिख्यते। पक्षद्वयं परस्परं पराजयितुं रणनीतयः निर्मान्ति। षट् मुख्यसंसदीयसचिवानां अतिरिक्तं भाजपा मन्त्रिमण्डलपदवीं प्राप्तानाम् अन्येषां त्रयाणां विधायकानां सदस्यतायाः विषये अपि प्रश्नान् उत्थापयति।
काङ्ग्रेसस्य दृष्टिः ९ भाजपा विधायकानामुपरि तत्रैव काङ्ग्रेसस्य दृष्टिः तेषु नव भाजपाविधायकेषु निहिता अस्ति, येषां प्रकरणं विधानसभाध्यक्षं प्रति लम्बितम् अस्ति। भाजपा नवकाङ्ग्रेसविधायकानां सदस्यतां निरस्तीकर्तुं राज्यपालस्य समीपं गन्तुं सज्जा अस्ति, काङ्ग्रेसस्य अपि नव भाजपाविधायकानामुपरि दृष्टिः अस्ति। उभयतः धनुः निर्गन्तुं प्रवृत्तौ बाणौ लक्ष्यं प्रहारं कर्तुं प्रवृत्तौ। केवलं कः उपक्रमं करिष्यति इति विषये एव ध्यानं भवति।
भाजपाविधायकानामुपरि विधानसभायां उपद्रवं कर्तुमारोप:
एतेषां राजनैतिक-उत्साहिनां मध्ये नव भाजपा-विधायकानां सदस्यतायाः विषये चर्चा अपि तीव्रताम् अवाप्तवती अस्ति। विधानसभायाः बजटसत्रे सदनस्य मध्ये उपद्रवम् जनयितुं भाजपाविधायकानां आरोपः अस्ति। एतस्मिन् काले विधानसभाध्यक्षस्य आसनसमीपं गत्वा ते कर्गदानि विदीर्णवन्त: इति अपि आरोपः कृतः अस्ति ।
एतेषां भाजपाविधायकानां विषये विधानसभाध्यक्षः निर्णयं करिष्यति
उपालम्भस्य अनन्तरं विधानसभा अध्यक्षः तेभ्यः सूचनां दत्त्वा कार्यविधिम् आरब्धवान् । अस्मिन् विषये विधानसभाध्यक्षस्य निर्णयः आगामिसमये आगन्तुं शक्नोति। यदि विधानसभाध्यक्ष: अस्मिन् विषये निर्णयं करोति तर्हि भाजपा कष्टस्य सम्मुखीकरणं कर्तुं शक्नोति। एतेषु विधायकेषु ऊनातः सतपालसत्ती, नाचनतः विनोदकुमारः, चुराहतः हंसराजः, बंजारतः सुरेन्द्र शौरी, सुलहतः विपिनपरमारः, बिलासपुरतः त्रिलोक जमवालः, बल्हतः इन्दरसिंह: गान्धी, आनीतः लोकेन्द्रकुमारः, करसोगतः दीपराजः च इति नामानि सन्ति ।
किं हिमाचलम् पुनः राजनैतिक-अस्थिरतां प्रति गमिष्यति ?
विधानसभाध्यक्षः कुलदीपसिंह पठानिया तान् सूचनां दत्तवान्। तेषां उत्तराणि अपि आगतानि सन्ति। अधुना कार्यविधि: अवशिष्टा अस्ति। यदि एतत् भवति तर्हि राज्ये पुनः उपनिर्वाचनस्य आह्वानं श्रूयते इति राजनैतिकविशेषज्ञाः मन्यन्ते।
एतादृशः प्रश्नः सर्वेषां मनसि उत्पद्यते यत् राज्यं पुनः राजनैतिक-अस्थिरतां प्रति गमिष्यति वा, यतः अस्मिन् वर्षे फेब्रुवरी-मासे राज्यसभा-निर्वाचनकाले घटितानां घटनानां अनन्तरं उपनिर्वाचनस्य स्थितिः उत्पन्ना आसीत् ।अधुना पुनः एतादृशी स्थितिः उत्पद्येत इति संभावना वर्तते । सम्प्रति ६८ सदस्यीयविधानसभायां काङ्ग्रेसस्य ४० विधायकाः, भाजपाया: २८ विधायकाः च सन्ति ।
राज्यपालः मङ्गलवासरे हिमाचलं प्रत्यागमिष्यति
राज्यपालः सम्प्रति हिमाचलतः बहिः अस्ति। तस्य नवम्बर् १९ दिनाङ्के पुनरागमनं निश्चितम् अस्ति। भाजपाया: राज्यसभासदस्यः हर्षमहाजनः उक्तवान् यत् राज्यपालेन सह मिलित्वा नवकाङ्ग्रेसविधायकानां सदस्यतां निरस्तीकर्तुंयाचना भविष्यति।
