International Dussehra Festival Kullu : सप्तदिनानि यावद् तपस्वीवत् निवसन्ति ३,००० देवकार्यगणा:
हिमसंस्कृतवार्ता: – कुल्लू:।
देवी-देवानां महाकुम्भे कुल्लुदशहरायां देवानां मुख्याः कार्यगणा: (कारकून) तपस्वीरूपेण निवसन्ति। देवपरम्परां निर्वहन् एते कार्यगणा: केवलं देवानां शिबिरेषु निर्मितं भोजनं खादन्ति। ते विपण्यां बहिः होटेलेषु, भोजनालयेषु च जलं चायं च पातुमपि न शक्नुवन्ति। अस्मिन् समये दशहरा-उत्सवम् आयोजयितुं मण्डलात् ३०० तः अधिकाः देवी-देवताः आगताः सन्ति तथा च प्रायः ३००० एतादृशै: कार्यगणै: देवानाम् नियमानाम् अनुसरणं कर्तव्यम् भवति ।
प्रत्येकं देवेन सह प्रायः १० तः १२ प्रमुखाः कार्यगणा: सन्ति ये देव-नियमैः बद्धा: भवन्ति। तेभ्य: अहर्निशं स्वस्य देवस्य सेवा कर्तव्या भवति। अस्मिन् मुख्यतया देवस्य कार्यकर्तारः (कारदार), अर्चक:, गुरः, पुरोहितः, कायथः, भण्डारक: इत्यादयः केचन अन्ये च सन्ति । यद्यपि देवेन सह एतै: नियमानाम् अनुसरणं कर्तव्यं भवति तथापि कुल्लू दशहरायां एतेषां नियमानाम् अनुसरणं अग्निपरीक्षायाः न्यूनं नास्ति ।
देवसमाजस्य ज्ञाता एवं जिला देवी-देवता- कारदारसंघस्य अध्यक्ष दोतरामठाकुर:, उपाध्यक्ष: शेरसिंह:, टीसीमहंत:, कार्यकर्तार: भागेराम: राणा, इन्द्रसिंह: अमरसिंह: अवदन् यत् दशहरायां देवपरम्पराणां निर्वहनं कर्तव्यं भवति। नियमानुगुणं च देवानां मुख्यकार्यगणै: अनुसरणं कर्तव्यं भवति। ते अवदन् यत् यत्किमपि प्रकारस्य प्रमादः भवति चेत् देवाः रुष्टा : भवन्ति, तदर्थं धार्मिककार्यक्रमानाम् आयोजनं कर्तव्यम् भवति।
देवसंस्कृते: ज्ञाता डॉ सूरतठाकुर: अवदत् यत् दशहरायां देवानां मुख्यकार्यगणानां कृते देवनियमानाम् अनुसरणं आह्वानं भवति। तेभ्य: प्रतिपलं देवेन निर्मितनियमानुसारं गमनं भवति। भोजनात् पेयपर्यन्तं अनेकप्रतिबन्धानां सम्मुखीकरणं च कर्तव्यं भवति । तेभ्य: दशहरायाः सप्तदिनानि यावत् स्वस्य अस्थायीशिबिरेषु पाकं कृत्वा भोक्तव्यं भवति।
