HRTC : मुख्यमंत्रिणा सुखविन्दरसिंह सुक्खुना हिमाचल- पथ- परिवहन- निगमस्य प्रीपेडकार्ड- इत्यस्य शुभारम्भ: कृत:
हिमसंस्कृतवार्ता: – शिमला।
मुख्यमन्त्री सुखविन्दरसिंहसुक्खुः गुरुवासरे हिमाचल- पथ- परिवहन- निगमस्य राष्ट्रिय- सामान्यगतिकार्डसुविधायाः आरम्भं कृतवान् यस्य उद्देश्यं नगदरहितयात्रायाः प्रोत्साहनं भवति। क्रेडिट कार्ड, डेबिट कार्ड, यूपीआई इत्येतेषाम् अतिरिक्तम् अधुना यात्रिकाः हिमाचलपथपरिवहननिगमस्य बसयानेषु राष्ट्रियसामान्यगतिशीलताकार्डद्वारा अपि भाटकं दातुं शक्नुवन्ति। अस्य कार्डस्य माध्यमेन यात्रिकाः नगदरहितरूपेण देशे सर्वत्र अनेकविधसेवानां लाभं प्राप्तुं शक्नुवन्ति। मुख्यमन्त्री उक्तवान् यत् हिमाचलपथपरिवहननिगमः देशे प्रथमः राज्यपरिवहन उपक्रमः अस्ति यः एतां सुविधां प्रारभते। सः अवदत् यत् राज्यसर्वकारस्य एष उपक्रमः सार्वजनिकयानक्षेत्रे एकः आधारस्तम्भ: सिद्धः भविष्यति। परिवहनस्य सुव्यवस्थितीकरणे, यात्रिकाणां कृते विश्रान्तियुतं सुलभं च यात्रां प्रदातुं साहाय्यं करिष्यति। सः अवदत् यत् अस्य कार्डस्य माध्यमेन दिल्लीमेट्रो, दिल्लीपरिवहननिगमः, हरियाणापथमार्गः, पश्चिममुम्बईबसयानेषु गन्तुं शक्यते। एचआरटीसी बसेयानेषु अपि अस्य कार्डस्य माध्यमेन नगदरहितं व्यवस्थापनं कर्तुं शक्यते। सः अवदत् यत् राज्यसर्वकारः मानवसंसाधनक्षेत्रे व्यापकपरिवर्तनानि आनेतुं प्रतिबद्धः अस्ति। सः अवदत् यत् हिमाचलपथपरिवहननिगमम् आत्मनिर्भरं कर्तुं, तस्य संचालनं च कर्तुं प्रौद्योगिकी एकीकृता भवति। सः अवदत् यत् एच् आर टी सी इत्यस्य सुदृढीकरणेन राज्यस्य जनानां लाभः भविष्यति। सः अवदत् यत् राष्ट्रियसामान्यगतिशीलताकार्डस्य कृते अन्तर्जालसुविधायाः आवश्यकता न भविष्यति, अतः राज्यस्य दूरस्थक्षेत्रेषु निवसन्तः जनाः अपि अस्याः सुविधायाः लाभं प्राप्तुं शक्नुवन्ति। सः अवदत् यत् एतत् कार्डं शतरूप्यकाणां भुक्तिं कृत्वा निर्गतं भविष्यति, तदनन्तरं जनाः बसकेन्द्रे अस्य टॉप- अप- रिचार्जं ऑनलाइन- ऑफलाइन- इत्यत्र च कर्तुं शक्नुवन्ति। सः अवदत् यत् हिमाचलपथपरिवहननिगमस्य षड्मासानां अभिलेखकालान्तरे एतत् कार्डं प्रक्षेपणार्थं कृताः प्रयासाः प्रशंसनीयाः सन्ति। सः अवदत् यत् एच आर टी सी इत्यनेन देशस्य अन्यराज्यानि अतिक्रम्य अनुकरणीयः आरम्भः कृतः।
