जगतप्रकाशनड्डा संसदस्य उच्चसदनस्य राज्यसभायाः नेता चयनितः

जगतप्रकाशनड्डा संसदस्य उच्चसदनस्य राज्यसभायाः नेता चयनितः
नवदिल्ली। भारतीयजनतापक्षस्य अध्यक्षः केन्द्रीयमन्त्री च जगतप्रकाशनड्डा संसदस्य उच्चसदनस्य राज्यसभायाः नेता चयनितः। आधिकारिकसूत्रानुसारं पीयूषगोयलस्य स्थाने जेपी नड्डा इत्यस्मै एतत् दायित्वं दत्तम्, यतः सद्यःकाले निर्वाचनं जित्वा पीयूषगोयलः लोकसभासदस्यत्वेन निर्वाचितः अस्ति। जेपी नड्डा गतफेब्रुवरीमासे पुनः राज्यसभायाः सदस्यत्वेन निर्वाचितः। काङ्ग्रेस-अध्यक्षः मल्लिकार्जुन-खर्गे राज्यसभायां विपक्षनेतृत्वस्य उत्तरदायित्वं पूर्वमेव धारयति । भाजपा-काङ्ग्रेसयोः अध्यक्षाः राज्यसभायाः सदस्याः सन्ति किञ्च उभौ सदनस्य महत्त्वपूर्णदायित्वम् अपि निर्वहन्ति इति संयोगः एव ।