गृहमन्त्रालयेन शताधिकाः वंचनकार्ये संलिप्ताः अन्तर्जालपुटकाः प्रतिबन्धिताः

गृहमंत्रालयेन भारतीय- सांगणिक- अपराध- समन्वय- केंद्र- पदक्षेपस्य अंतर्गतं संगठित- निवेश- कार्याधारितायां अंशकालिक- वृत्यवसर- प्रवंचनायां समाविष्टानां शताधिकानां वेबफलकानाम् अभिज्ञानं कृत्वा तेषाञ्च प्रतिबन्धं कृतम्। मंत्रालयेन एकस्मिन् आधिकारिक- विज्ञप्तौ उक्तं यत् एतानि वेबफ़लकानि संगठित- अवैध- निवेश- सम्बद्ध- आपराधिक- प्रकरणानि पोषयन्ति। मंत्रालयः संसूचितावान् यत् एतानि वेबफ़लकानि वैदेशिक-कलाकारैः संचाल्यते। एतस्मिन् प्रकरणे प्रपत्र अन्तर्जालस्य कृप्टोमुद्रायाः इत्यादीनां उपयोगः भवति स्म। अपि च बृहत्तमे स्तरे आर्थिकवञ्चनात् प्राप्तस्य आयस्य प्रयोगः भारतात् बहिः क्रियते स्म। नेशनल- साइबर- क्राइम- थ्रेट- एनालिटिक्स- यूनिट इत्यनेन विगत सप्ताहे एतस्मिन् प्रकरणे कार्याचरणं विहितम्। मंत्रालयेन नागरिकैः आग्रहः कृतः यत्ते प्रयुक्ताः दूरभाष संख्याः राष्ट्रीय- साइबर- अपराध- रिपोर्टिंग- पटले प्रतिवेदनम् कुर्वन्तु।