Himachal News : हिमाचलस्य प्रमुखा: संस्कृतवार्ता:
नाथपा-झाखड़ी-परियोजनाया: अन्यतम: अभिलेख:, अष्टमासाभ्यन्तरे प्रारूप-ऊर्जा उत्पादनस्य उपलब्धिः
हिमसंस्कृतवार्ता: – शिमला। सतलुजजलविद्युतनिगमस्यझ प्रमुखा १५०० मेगावाट नाथपाझाकड़ी-जलविद्युत्स्थानकं प्रारूप (डिजाइन) ऊर्जा उत्पादनस्य महत्त्वपूर्णम् आधारस्तम्भं प्राप्तवान् अस्ति। गतदिसम्बरमासस्य प्रथमे दिने एनजेएचपीएस-संस्थायाः ६६१२ मिलियन- एककानां डिजाइन-ऊर्जा-उत्पादनं प्राप्तम्। २०११ तमस्य वर्षस्य नवम्बरमासस्य १९ दिनाङ्के निर्धारितस्य द्रुततमस्य डिजाइन-ऊर्जा-उत्पादनस्य अभिलेखस्य अनन्तरम् एषः द्वितीयः द्रुततमः डिजाइन-ऊर्जा-उत्पादनस्य अभिलेखः अस्ति। एषा अद्वितीया उपलब्धिः वर्तमानवित्तवर्षस्य २०२४-२५ यावत् अष्टमासानाम् अन्तः एव प्राप्ता अस्ति। ११६ दिवसपर्यन्तं ११० प्रतिशतं संयंत्रस्य अतिभारस्य फलस्वरूपं विद्युत्स्थानकं १६५० मेगावाट् क्षमतया कार्यं कृतम्। अपि च, सतलुजनद्याः उच्चपङ्कस्तरस्य भावे अपि अप्रतिमदक्षतां, परिचालन-उत्कृष्टतां च प्रदर्शयन्, विद्युत्-स्थानकं विना किमपि अवरोधेन कार्यं कुर्वन् आसीत्
एष: अभिलेख-भङ्ग-उपार्जना एनजेएचपीएस- संस्थायाः तकनीकी- विशेषज्ञतायाः, सुसंगत- निष्पादनस्य, परिचालन-उत्कृष्टतायाः च प्रमाणम् अस्ति। एषा उपलब्धिः एतदपि दर्शयति यत् नाथपाझाखड़ीजलविद्युत्परियोजना निरन्तरं स्वस्य तकनीकीक्षमतां वर्धयति, भविष्ये चापि उच्चतरं विद्युत् उत्पादनमापदण्डं प्राप्तुं सम्यक् मार्गे अस्ति। सतलुजजलविद्युतनिगम: एतस्याः सफलतायाः कारणं सर्वेषां एसजेवीएनाइट-जनानाम्, विशेषतः गण: एनजेपीएचएस-इत्यस्य, एसजेवीएन- प्रबन्धनस्य मार्गदर्शनेन, विद्युत्-मन्त्रालयस्य, हिमाचलप्रदेशसर्वकारस्य, स्थानीय-प्रशासनस्य, स्थानीय-जनतायाः, सर्वेषां हितधारकाणां च प्रति निरन्तर-सहकार्याय प्रदाय कृतज्ञता व्यक्ता। एतादृशाः उपलब्धयः जलविद्युत्परियोजनानां क्षमतायाः कुशलतया उपयोगे भारतस्य दक्षतां तथा च राष्ट्रस्य ऊर्जास्वनिर्भरतायां स्थायित्वलक्ष्येषु च तस्य महत्त्वपूर्णं योगदानं प्रकाशयन्ति।
————————–
HP Government: ११ दिसम्बरत: तिस्र: योजना: आरप्स्यन्ते- मुख्यमंत्री
हिमसंस्कृतवार्ता: – शिमला। हिमाचलप्रदेशस्य मुख्यमन्त्री सुखविन्दरसिंहसुक्खो: अध्यक्षतायां मंगलवासरे काङ्ग्रेसविधायकदलस्य सभा आयोजिता। सभायां सर्वकारस्य द्विवर्षीयस्य वार्षिकोत्सवस्य सज्जतायाः विषये चर्चा कृता। विधानपरिषदः समागमानन्तरं पत्रकारैः सह भाषमाणः मुख्यमन्त्री अवदत् यत् ११ दिसम्बर दिनाङ्के आयोज्य समारोहाय २५,००० तः ३०,००० यावत् जनानां सङ्ग्रहस्य लक्ष्यं निर्धारितम् अस्ति। अद्यतनसभायां विधायकाः १८,००० जनान् आनयितुं चर्चां कृतवन्तः। एतदतिरिक्तं यत्र काङ्ग्रेसविधायकः नास्ति तत्र विधानसभाक्षेत्रेभ्यः जनान् अपि बिलासपुरं प्रति परिवहनं करिष्यन्ते। समीपस्थेभ्यः क्षेत्रेभ्यः अधिकाः जनाः आगमिष्यन्ति, दूरस्थेभ्यः अपि न्यूनाः आगमिष्यन्ति।
एताः तिस्र योजनाः आरप्स्यन्ते
मुख्यमंत्री उक्तवान् यत् वर्षद्वयेन अस्माकं सर्वकारेण व्यवस्थां परिवर्त्य स्वावलम्बी हिमाचलस्य प्रति पदानि गृहीताणि, तस्यैव विषये सूचना सभायां दत्ता। पूर्वभाजपासर्वकारेण राज्ये भ्रष्टाचारस्य प्रचारः कृतः इति उक्तवान्। रोजगारस्य अवसराः न दत्ताः। हमीरपुर-चयन-आयोग: भ्रष्टाचारस्य केन्द्रमासीत्। एतानि सर्वाणि वस्तूनि अपि जनसामान्यं प्रति प्रसारितानि भविष्यन्ति। मुख्यमन्त्री उक्तवान् यत् समारोहस्य दिने राजीवगान्धी ई-टैक्सी योजना, मुख्यमंत्री सुखशिक्षा योजना च प्रारम्भः भविष्यति। राज्ये गोमयक्रयणयोजना अपि ११ दिसम्बरतः एव आरभ्यते।
उपभोक्तृभ्यः केवलम् अनुरक्षणशुल्कं गृहीतं भविष्यति, पेन्शनं निरन्तरं भविष्यति
मुख्यमन्त्री उक्तवान् यत् भाजपासर्वकारस्य समये उपभोक्तृभ्यः जलदेयकानां अवशिष्टराशि: न गृहीता भविष्यति। उपभोक्तृभ्यः केवलं शतरूप्यकाणि प्रति मीटर् अनुरक्षणशुल्कं गृहीतं भविष्यति। हिमाचलसर्वकारेण कार्यकालस्य गत २ वर्षेषु २०,००० नूतनानि कार्याणि दत्तानि सन्ति। न्यायालये लम्बितप्रकरणानां निस्तारणं प्राथमिकतानुसारं कृतम्। अद्य हिमाचले पेन्शनमपि मुक्तं जातम् इति मुख्यमन्त्री अवदत्। मुख्यमंत्री उक्तवान् यत् अस्माकं सर्वकारेण भाजपायाः दायित्वं परिशोधितम्। अस्माकं सर्वकारः ग्राम्य- अर्थव्यवस्थां सुदृढं कर्तुं दृढनिश्चयः अस्ति।
—————————-
मुख्यमंत्री अत्याधुनिकप्रौद्योगिक्या निर्मितस्य ८०० मीटरदीर्घस्य माताबागलामुखी रज्जुमार्गस्य उद्घाटनं कृतवान्
हिमसंस्कृतवार्ता:- लघ्वीकाशी मण्डी। मुख्यमन्त्री सुखविन्दरसिंहसुक्खुः मण्डीमण्डले अत्याधुनिकप्रौद्योगिक्या निर्मितस्य माता बागलामुखी रज्जुमार्गस्य उद्घाटनं कृतवान्। एषः रज्जुमार्गः चण्डीगढमनालीराष्ट्रियराजमार्गे स्थितः अस्ति यः पण्डोहं बखालीस्थितं माताबगलामुखीमन्दिरं च संयोजयति। अस्य रज्जुमार्गस्य उद्घाटनेन क्षेत्रे पर्यटनक्रियाकलापाः वर्धन्ते। मुख्यमन्त्री उक्तवान् यत् ८०० मीटर दीर्घः रज्जुमार्गः ५३.८९ कोटिरूप्यकाणां व्ययेन निर्मितः अस्ति, आधुनिकप्रौद्योगिक्याः अद्भुतम् उदाहरणम् अस्ति। यूरोपीय-सीईएन-मानकानाम् आधारेण अयं रज्जुमार्गः एकहोरायां २१.६ कि.मी.पर्यन्तं दूरं गमिष्यति, प्रतिहोरा ६०० यात्रिकान् नेतुं च शक्नोति।
१४ किलोमीटर-दीर्घता न्यूनीभविष्यति
अनेन रज्जुमार्गेण १४ किलोमीटर-अतिरिक्तान्तरं न्यूनं भविष्यति। राज्ये एषः एव एकमात्ररज्जुमार्गः अस्ति यः जलस्य उपरि पण्डोह-जलबन्धं भूत्वा गमिष्यति। मुख्यमन्त्री उक्तवान् यत् अयं रज्जुमार्गः यात्रिकान् क्षेत्रस्य अद्वितीयसौन्दर्यस्य अनुभवं कारयिष्यति। प्रकृतेः अङ्के एतत् अद्वितीयं विशेषता यात्रिकाणां रोमाञ्चं वर्धयिष्यति, तेषां कृते अतीव स्मरणीयं क्षणं च सिद्धं भविष्यति।
भक्तानां संख्यायां वृद्धिः भविष्यति
सुखविन्दरसिंहसुक्खुः उक्तवान् यत् पाशमार्गेण माताबगलामुखी- मन्दिरस्य भक्तानां संख्या अपि वर्धते इति आशास्ति। एतदतिरिक्तं वनविभागेन निर्मितं प्रकृतिनिकुञ्जं प्रति पर्यटकानां भक्तानां च गमनम् अपि सुगमं भविष्यति। कुल्लू मनाली, कसोल, लाहौल-स्पीतिं च गच्छतां पर्यटकानाम् आकर्षणस्थानम् अपि भविष्यति।
स्थानीयजनानाम् अर्थव्यवस्था सुदृढा भविष्यति
मुख्यमन्त्री उक्तवान् यत् एषा परियोजना न केवलं पर्यटकानां कृते अद्भुतम् अनुभवं प्रदास्यति अपितु स्थानीयजनानाम् अर्थव्यवस्थां सुदृढं करिष्यति। सः अवदत् यत् स्थायिपर्यटनं प्रोत्साहयितुं यात्रासमयं न्यूनीकर्तुं च साकं पाशमार्गेण क्षेत्रस्य प्राकृतिकसौन्दर्यस्य संरक्षणं भविष्यति। रज्जुमार्गस्य आधारभूतसंरचनायाः विकासाय राज्यसर्वकारस्य प्रतिबद्धताम् अपि दर्शयति। मुख्यमन्त्री माता बगलामुखीमन्दिरे प्रार्थनां कृत्वा राज्यस्य सुखसमृद्धेः कामनाम् अकरोत्।
असौ अकथयत् यत् प्रकृतेः सुरम्यदृश्यानां आनन्दं लब्ध्वा भक्ताः पर्यटकाः च यात्रां कर्तुं शक्नुवन्ति। अस्मिन् अवसरे उपमुख्यमन्त्री मुकेश अग्निहोत्री अपि उपस्थितः आसीत् ।
—————————–
जयरामठाकुरः- काङ्ग्रेससर्वकारस्य असफलतां गोपयितुं मृषावादं कृत्वा स्वस्य प्रतिष्ठां रक्षितुं प्रयतते मुख्यमंत्री सुक्खुः
हिमसंस्कृतवार्ता: – कार्यालयीय: प्रतिनिधि:।पूर्वमुख्यमन्त्री विपक्षनेता च जयरामठाकुरः मुख्यमन्त्री सुखविन्दरसिंहसुक्खुः काङ्ग्रेससर्वकारस्य असफलतां गोपनार्थं असत्यं वदन् स्वप्रतिष्ठां रक्षितुं प्रयतते इति आरोपं कृतवान्। अधुना सः यत्र-यत्र गच्छति तत्र-तत्र अनृतं वदन् जनान् भ्रामयितुं प्रयत्नान् कुर्वन्नस्ति। सः अवदत् यत् द्विवर्षीयः कार्यकालः समाप्तः भवितुम् अर्हति, परन्तु सर्वकारस्य गणनीयं विकासकार्यं नास्ति। विपक्षस्य सम्मुखीकरणं कर्तुम् अस्माभिः आरब्धाः बृहत् परियोजनाः विधानसभासत्रात् पूर्वं त्वरितरूपेण उद्घाटिताः भवन्ति, येन जनसामान्यं दर्शयितुं शक्यते यत् वयं विकासकार्यं कुर्मः।
जयरामठाकुरः अवदत् यत् सत्यं तु एतत् यत् एताः बृहत् परियोजनाः अस्माकं सर्वकारस्य समये आरब्धाः, एकवर्षपूर्वं च सम्पन्नाः, परन्तु तेषां उद्घाटनानि ज्ञात्वा स्थगितानि, बहुवारं उद्घाटनस्य तिथयः स्थगिता: च, येन तेषां द्वयोः वर्षयो: पूर्णताया: उत्सवस्य मध्ये सत्रात् पूर्वं च एतद् दर्शयितुं प्रचारितं च कर्तुं शक्यते यत् वयम् उद्घाटनानि अपि कुर्म:। मुख्यमन्त्री एकयस्याः परियोजनायाः कार्यस्य वा नाम कथयतु या: सः आरब्धवान्, उद्घाटनम् चापि कृतवान् अस्ति। अद्यापि मम विधानसभाक्षेत्रे बाखाली इत्यत्रापि मिथ्या कथितं यत् अस्माभिः अस्य रज्जुमार्गस्य कृते २८ कोटिरूप्यकाणि दत्तानि, अतः अद्य वयं तस्य उद्घाटनं कुर्मः यदा तु सत्यं तु एतत् यत् मया नाबार्डतः ५० कोटिरूप्यकाणि अस्य कृते आनीतानि आसन्। एतत् मम समये आरब्धम् आसीत् परन्तु मुख्यमन्त्री अस्माकं कार्यस्य श्रेयः मृषावादेन ग्रहीतुं प्रवृत्तः अस्ति।जयरामठाकुरः अवदत् यत् अद्यत्वे मुख्यमन्त्री यत्र यत्र गच्छति तत्र तत्र भाजपायाः आरब्धकार्यस्य पट्टिकां छेदयति। तदपि ते जनानां मध्ये असत्यं वदन्ति यत् तेषां सर्वकारेण तत् कार्यं सम्पन्नम्। यत्र वास्तविकता एषा यत् तानि सर्वाणि कार्याणि भाजपासर्वकारेण मुख्यमन्त्रीरूपेण बजटेन सह आरब्धानि आसन्। माता बागलामुखी इत्यस्य कृते ५० कोटिरूप्यकाणां व्ययेन निर्मितस्य अस्य रज्जुमार्गस्य निर्माणमपि भाजपासर्वकारस्य समये आरब्धम्। नाबार्ड इत्यनेन वित्तपोषिता देशे प्रथमा रज्जुमार्गपरियोजना एषा अस्ति। अस्मिन् राज्यसर्वकारस्य एकस्य अपि नाणकस्य निवेशः न कृतः। दिनद्वयपूर्वमपि ढलीबसस्थानकस्य उद्घाटनानन्तरं मुख्यमन्त्री मृषावादिना आसीत् यत् भाजपासर्वकारेण तस्य बसस्थानकस्य बजटे किमपि प्रावधानं न कृतम्, यदा तु वास्तविकता एषा यत् एतत् बसस्थानकं स्मार्टसिटी- परियोजनायाः अन्तर्गतं निर्मितम् अस्ति। २०२२ तमे वर्षे भाजपासर्वकारेण ४ कोटिरूप्यकाणां बजटप्रावधानेन निर्माणकार्यम् आरब्धम्, शेषं तु बजटनियमानुसारम् अंशयो: मुक्तं कृतम् अस्ति, जयरामः अवदत् यत् केन्द्रसर्वकारस्य सहकार्यं नाङ्गीकृत्य मुख्यमन्त्रिणः स एव गुणः दृश्यते यत् सः विस्तृते दिवाप्रकाशे अतीव कुशलतापूर्वकं असत्यं वदति। जयरामठाकुरः अवदत् यत् अद्य राज्यस्य काङ्ग्रेससर्वकारेण द्विवारम् उद्घाटनं कृत्वा द्विवारम् आधारशिलास्थापनस्य नूतनपरम्परा आरब्धा। येषां परियोजनानाम् उद्घाटनं कृतम् आसीत्, पूर्वसर्वकारैः आधारशिला च स्थापिता, तेषाम् उद्घाटनं पुनः आधारशिला च क्रियते। मुख्यमन्त्री इति नाम्ना सः नूतनानि कार्याणि आरभेत्, यदा सः पुनः कृतकार्यस्य पट्टिकाच्छेदने व्यग्र: अस्ति।
—————————–
पञ्चसहस्रकोटिः वर्धयितुं शक्यते भानुपल्ली- बिलासपुर- रेलमार्गस्य व्ययराशि:
हिमसंस्कृतवार्ता:- डॉ पद्मनाभ: , बिलासपुरम्।
भानुपल्ली- बिलासपुर- रेलमार्ग- परियोजनायाः अनुमानितव्ययः पञ्चसहस्रकोटिरूप्यकाणि वर्धयितुं शक्यते। निर्माणसामग्रीणां मूल्यवृद्धिः, परियोजनायाः संरेखने (अलाइनमेंट) सम्भाव्यम् परिवर्तनं, च नूतन-अवश्यकतानां संयोगः मुख्यकारणानि इत्युक्तम्। रेलवेविकासनिगमेण (आरवीएनएल) परियोजनायाः संशोधितं मूल्यांकनं (रिवाइज्ड एस्टीमेट) सिद्धीकृत्य केन्द्र- रेलमन्त्रालयाय स्वीकृत्यर्थं प्रेषितम्। कियत् धनं स्वीकरिष्यते इति मन्त्रालयस्य निर्णयोपरि वर्तते। एषः द्वितीयः प्रसंगः यदा आरवीएनएल-संस्थया केन्द्रं प्रति संशोधितं मूल्यांकनं प्रेषितम्।
परियोजनायाः इतिहासः
अप्रैल २०१५ तमे यदा परियोजना आरब्धा, तदा अनुमानितव्ययः चतुर्सहस्रकोटिरूप्यकाणि आसीत्। २०१९ तमे वर्षे पुनः संशोधितमूल्यांकनं केन्द्रं प्रति प्रेषितम्, यत्र व्ययः चतुर्सहस्रकोटिभ्यः सप्तसहस्रकोटिरूप्यकाणि पर्यन्तं वर्धितः।
संशोधितमूल्यांकनस्य कारणानि
आर. वी. एन. एल. अधिकृतानां मानकानुसारं संशोधितमूल्यांकनं द्वाभ्याम् कारणाभ्यां सिद्ध्यते। प्रथमं, निर्माणसामग्रीणां मूल्यवृद्धिः। द्वितीयं, परियोजनायाः संरेखने सम्भाव्यं परिवर्तनं च नूतन- अवश्यकतानां संयोगः।
एतेषाम् अतिरिक्तं, निर्माणकालीन- नूतन- तन्त्रज्ञानं, सुरक्षामानकानि, संरचनात्मक- आवश्यकताः च वर्धनं कुर्वन्ति। पर्वतीय-प्रदेशेषु भूमेः स्थिति:, नदी-वनानां मार्गे निर्माणकार्ये कठिनताः च व्ययं वर्धयन्ति।
वर्तमानस्थिति:-
अधिकारिणः वदन्ति, यदा परियोजनायाः प्रारम्भे अनुमानं क्रियते, तदा कन्दरानिर्माणे व्ययं ज्ञातुं कठिनं भवति। कार्यारम्भानन्तरं स्थितिः स्पष्टं भवति, यतः मूल्यांकनं परिवर्तितुम् आवश्यकं भवति। भानुपल्ली-बिलासपुर-रेलमार्गस्य कार्यम् अप्रैल २०१५ तमे वर्षे आरभत्। अधुना सप्तकिलोमीटरयावत् कार्यं पूर्णं जातम्। ५२ किमीमार्गे पथिकास्थापनेः लक्ष्यं २०२५ वर्षे पर्वतकाले समाप्तिं यास्यति। बैरीपर्यन्तं ११ किमीमार्गे भूमेः अधिग्रहणं कार्यं च अवशिष्टम् अस्ति।
——————————
यदा पुत्री सुविधा न प्राप्तवती तदा IIT Mandi प्राध्यापकः न्यूनमुल्ययुतं सचलं सद्यप्रसूतसघन- परिचर्या- एककं निर्मितवान्
हिमसंस्कृतवार्ता:- मण्डी ।भारतीय- प्रौद्योगिकी- संस्थानस्य (आईआईटी) मण्डीस्थिते एकस्मिन् सहायकाचार्येण नवजातशिशूनां तेषां च पालकानां पीडां ज्ञात्वा एकं सुलभं च आधुनिकसुविधायुक्तं चलनशीलं नवजातशिशु- इनक्यूबेटरं (नवजातशिशु- गहन- देखभाल- इकाई) निर्मितम्।सहायकप्राध्यापकः डॉ. गजेन्द्रसिंहः वर्षे 2023 तमे पिता अभवत्। तस्य नवजातपुत्र्या: संक्रमणं जातम्। स्थानीये स्तरमध्ये चलनशीलं नवजातशिशु- इनक्यूबेटरं सुलभं नासीत्। तस्मिन् सन्दर्भे चण्डीगढ़तः एषा सुविधा एम्बुलेंसद्वारा प्रेषितुं प्रवृत्तः। तत्र च 12-14 होरां यावत् प्रतीक्षा कृता। एतेषां दुःखानाम् अनुभवेन ते चलनशीलं नवजातशिशु-इनक्यूबेटरं निर्मातुम् आरब्धवन्तः।एवमेव एतस्य उपकरणस्य निर्माणप्रक्रिया आरब्धा। एकस्मिन् वर्षे डिजाइन-प्रैक्टिकमादारभ्य एषः मॉडलः अद्य स्टार्टअपरूपेण परिवर्तितः। उपकरणं निर्मातुं एका कम्पनी अपि सहयोगं ददाति। आगामि एकस्मिन् द्वयो: वा वर्षयो एषः विक्रयाय उपलब्धः भविष्यति। एतत् उपकरणम् आधारभूत- मॉडलरूपेण त्रिलक्षरुप्यकाणां मूल्ये, सर्वसुविधायुक्तम् उपकरणम् अष्टलक्षरुप्यकाणां मूल्ये विक्रयाय भविष्यति। पूर्वं एतदोपकरणं महतामूल्येन उपलभ्यते स्म।
एनआईसीयू सुविधाः
एनआईसीयू उपकरणे विविधाः आधुनिकसुविधाः संलग्नाः। एषः उपकरणे स्थितस्य शिशोः पर्यवेक्षणं देशे विदेशे च स्थिताः चिकित्सकाः स्मार्टरीत्या कुर्वन्ति। एतदर्थं च एकः चित्रक: (कैमरा) स्थापितः अस्ति। एतेन चिकित्सकाः शिशुं निरीक्षितुं शक्नुवन्ति। एतस्य सहायतया एतत् सर्वं सम्भवम्। ऑक्सिजनसिलिण्डरं विद्युत्कोष: च स्थापिते। विद्युत्कोषेन सहाय्येन एषः उपकरणं मण्डीस्थलेन चण्डीगढं यावत् नेष्यते। वॉर्मरम् इनक्यूबेटरं च उभे सुविधे उपकरणे विदे।
दुर्गमक्षेत्रेषु उपयोगः
हिमाचलप्रदेशस्य दुर्गमक्षेत्रेषु एषः चलनशीलः निकू इति (एनआईसीयू) अतीवलाभदायकः भविष्यति। दुर्गमक्षेत्रेषु वाहनव्यवस्थायाः स्वास्थ्यसेवायाः च कठिनताः भवन्ति। अतः एषः चलनशीलः निकू इति सुलभं सन्देशयितुं शक्यते। तस्य सुविधाभिः चिकित्सकाः अपि ऑनलाइनरूपेण संयोक्तुं शक्नुवन्ति। अतः गृहद्वारे सेवायाः सम्भावना सुलभा भविष्यति।
