पुनः सिंघम अगेन चलच्चित्रस्य अनन्तरम् अजयदेवगनस्य ‘नाम’ चलच्चित्रम् अपि निष्फलम् अभवत्
वार्ताहर: – जगदीश डाभी (मुम्बई)
बॉलीवुडाभिनेता-अजय देवगनस्य सिंघम अगेन इति चलच्चित्रं नवम्बरमासस्य १-दिनाङ्के प्रदर्शितं भवति स्म । एकावार्तानुसारं ३५० तः ३७५ कोटिरूप्यकाणां बजटेन एतत् चलच्चित्रं निर्मितम् । तथा च अधुना यावत् अजयस्य एतत् चलच्चित्रं बक्स् आफिस इत्यत्र केवलं २४२.१० कोटिरूप्यकाणि एव अर्जितवान् अस्ति। अजय देवगनस्य एतत् चलच्चित्रं निष्फलम् अभवत्।
तस्मिन् एव मासे अजयस्य अपरं चलच्चित्रं प्रदर्शितं जातम् । अजय देवगनस्य ‘नाम’ इति चलच्चित्रं नवम्बरमासस्य २२ दिनाङ्के प्रदर्शितं जातम् । अधुना च अजयस्य एतत् चलच्चित्रम् अपि निष्फलम् अभवत्। अजयस्य नाम इति चलच्चित्रस्य चित्रोतलनं २०१४ तमे वर्षे अभवत् किन्तु निर्मातुः मृत्योः अनन्तरं चलच्चित्रं स्थगितम् । अधुना च एतत् चलच्चित्रं प्रदर्शितं जातम् ।
चलच्चित्रं षड्दिनानि प्रेक्षागृहेषु सम्पन्नम् कृतम् । तथा च षड्दिनेषु अस्य चलच्चित्रस्य कुलम् ९६ लक्षरूप्यकाणि एव प्राप्तानि। एतत् चलच्चित्रम् अधुना यावत् एककोटिरूप्यकाणि अपि अर्जयितुं न शक्तवान्।
