अधुना ‘विजय सेतुपति’ इत्यस्य ‘महाराजा’ इति चलच्चित्रं चीनदेशे ४० सहस्रेषु पटलेषु प्रदर्शितं भविष्यति
वार्ताहर: – जगदीश डाभी (मुम्बई)
प्राप्तवार्तानुसारं दक्षिणस्य प्रसिद्धस्य नायकस्य ‘विजयसेतुपति’ इत्यस्य ‘महाराजा’ इति चलच्चित्रम् अस्मिन् वर्षे जूनमासे प्रदर्शितम् अभवत् । अयं चलच्चित्रम् अस्मिन् वर्षे उत्तमचलच्चित्रेषु अन्यतमम् अस्ति । विजयस्य अस्य चलच्चित्रस्य बक्स् आफिस-मध्ये अतीव उत्तमं प्रतिसादं प्राप्तम् । OTT इत्यत्र प्रदर्शितस्य अनन्तरं सम्पूर्णे भारते कोटिशः जनाः एतत् चलच्चित्रं दृष्टवन्तः । जनाः चलच्चित्रस्य बहु प्रशंसाम् अकरोत् । विजयसेतुपती इत्यस्य अभिनयस्य अपि जनाः प्रशंसाम् अकरोत् । एतत् चलच्चित्रं नेटफ्लिक्स् इत्यत्र प्रथमस्थाने ट्रेण्ड् अभवत् । अधुना चीनदेशे एतत् चलच्चित्रं प्रदर्शितं भविष्यति। एतत् चलच्चित्रं चीनदेशे ४०,००० पटलेषु प्रदर्शितं भविष्यति । इदं चलच्चित्रं चीनदेशे नवम्बरमासस्य २९-दिनाङ्के प्रदर्शितं भविष्यति।
