दक्षिणस्य नायिकाया: नयनताराया: वृत्तचित्रे महेशबाबूस्य प्रतिक्रिया
वार्ताहर: – जगदीश डाभी (मुम्बई)
दक्षिणस्य ‘प्रसिद्धानायिका-नयनतारा’ इत्यस्याः वृत्तचित्रं ‘नयनतारा: बियॉन्ड द फेयरीटेल’ अद्यकाले वार्तायां वर्तते। अस्याः जालश्रृङ्खलायाः कारणात् नयनतारा-धनुषयोः मध्ये विवाद: प्रचलति । धनुषः स्वस्य चलच्चित्रस्य दृश्यानि वृत्तचित्रात् हर्तुम् आग्रहं कृतवान् अस्ति। २४ घण्टानां समयं दत्त्वा धनुषः अवदत् यत् यदि दृश्यानि न निष्कासितानि तर्हि १० कोटिरूप्यकाणां क्षतिपूर्तिः दातव्या भविष्यति। विवादानाम् मध्ये नयनतारायाः वृत्तचित्रं नेटफ्लिक्स् इत्यत्र प्रदर्शितम् अस्ति । नयनताराया: जीवनस्य विषये निर्मितस्य अस्य वृत्तचित्रस्य जनानां सत्प्रतिक्रिया प्राप्ता अस्ति । अस्मिन् वृत्तचित्रे नयनताराया: कार्यक्षेत्रस्य, विवादानाम्, विवाहस्य च कथा दर्शिता अस्ति । विमोचनानन्तरं बृहत् प्रसिद्धाः जनाः अस्य वृत्तचित्रस्य प्रतिक्रियां ददति। किञ्चित्कालपूर्वं दक्षिणस्य सुपरस्टार महेशबाबुः अपि प्रतिक्रियाम् अददात्। महेशबाबुः स्वस्य इन्स्टाग्राम-कथायां वृत्तचित्रस्य प्रशंसाम् अकरोत् । महेशबाबुः इन्स्टाग्राम स्टोरी इत्यत्र अस्य वृत्तचित्रस्य छायाचित्राणि प्रसारितं कृतवान् अस्ति। छायाचित्रेण सह रक्तहृदयस्य इमोजी अपि स्थापितं कृत्वा महेशबाबूः अवदत् यत् तस्मै वृत्तचित्रं रोचते।
