महाराष्ट्रप्रदेशः सर्वाधिकतया प्रत्यक्ष-विदेश-धन-निवेशे सक्षमतमः अभवत्-प्रधानमन्त्री
महाराष्ट्रविधानसभायाः नैर्वाचनिक प्रचारोपक्रमः उत्तुंगतां भजते। विभिन्नानां राजनीतिकदलानां वरिष्ठाः नेतारः मतदातृन् समाक्रष्टुं सर्वविधयत्ने रताः सन्ति । भाजपेतिदलस्य वरिष्ठ नेता प्रधानमन्त्री च नरेन्द्रमोदी महाराष्ट्रस्य तीव्रविकासाय महायुति-प्रशासनस्य प्रशंसां कृतवान्। चन्द्रपुर जनपदस्य चिमूर इति क्षेत्रे एकां नैर्वाचनिकजनसभां सम्बोधयता श्रीमोदिना भणितं यत् अयं महायुतिप्रशासनस्य सत्प्रयासानां परिणामः अस्ति यत् गतद्वाभ्यां वर्षाभ्यां महाराष्ट्रप्रदेशः सर्वाधिकतया प्रत्यक्ष-विदेश-धन-निवेशे सक्षमतमः अभवत् । श्रीमोदिना भाजपेति दलस्य घोषणापत्रस्य प्रशंसाकुर्वता उक्तं यत् ए.आई. विश्व- विद्यालयः, जलग्रिड इति परियोजनाः, आवासयोजनाः, नलिका-जल-सम्पर्कजालः, आद्यः महत्वाधायिन्यः घोषणाः महाराष्ट्रस्य उज्ज्वलभविष्याय लाभकारिण्यः सन्तीति ।
महाराष्ट्रप्रदेशः सर्वाधिकतया प्रत्यक्ष-विदेश-धन-निवेशे सक्षमतमः अभवत्-प्रधानमन्त्री
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
