केन्द्रीयगृहमन्त्री अमितशाहः मुम्बईनगरे दलस्य घोषणापत्र-संकल्पपत्रं विमोचितवान्

केन्द्रीयगृहमन्त्री अमितशाहः मुम्बईनगरे महाराष्ट्रविधानसभानिर्वाचनार्थं दलस्य घोषणापत्र-संकल्पपत्रं विमोचितवान्
भारतीयजनतापार्टीदलस्य वरिष्ठनेता तथा केन्द्रीयगृहमन्त्री अमितशाहः मुम्बईनगरे महाराष्ट्रविधानसभानिर्वाचनार्थं दलस्य घोषणापत्र-संकल्पपत्रं विमोचितवान्। शाहमहोदयः अवदत् यत् भाजपायाः घोषणापत्रं राज्यस्य जनानां आकांक्षाणां प्रतिबिम्बम् अस्ति। भाजपादलेन सिञ्चनपरियोजनानि, नदीजलवितरणं, प्रावृट् काले अतिरिक्तजलस्य उपयोगः च राज्यं अनावृष्टिमुक्तं कर्तुं स्वघोषणा पत्रे प्रख्यापितम्। अस्मिन् कार्यक्रमे केन्द्रीय मंत्री पीयूष गोयलः, महाराष्ट्रस्य उपमुख्यमंत्री देवेन्द्र फडणवीसः, महाराष्ट्रस्य भाजपादलस्य अध्यक्षः चन्द्रशेखरः भावाकुले, अन्ये च नेतारः उपस्थिताः आसन्।