MSP- दीपावल्याः -अवसरे रबीसस्यानां न्यूनतमसमर्थनमूल्यं (MSP) वर्धितम्

MSP- दीपावल्याः -अवसरे रबीसस्यानां न्यूनतमसमर्थनमूल्यं (MSP) वर्धितम्
दीपावल्याः -अवसरे कृषकाणां कृते महत् उपहारं दत्त्वा केन्द्रसर्वकारेण षट् रबीसस्यानां न्यूनतमसमर्थनमूल्यं (MSP) वर्धितम्। प्रधानमन्त्री नरेन्द्रमोदिनः अध्यक्षतायां केन्द्रीयमन्त्रिमण्डलस्य सभायां एषः निर्णयः कृतः । समागमानन्तरं सूचनाप्रसारणमन्त्री अश्विनीवैष्णवः पत्रकारसम्मेलने अवदत् यत् कृषकाणां उत्पादनानां पारिश्रमिकमूल्यानि सुनिश्चित्य सर्वकारेण २०२५-२६ वर्षे रबीसस्यानां एमएसपी वर्धिता। गोधूमस्य न्यूनतमसमर्थनमूल्यं प्रतिक्विन्टलं १५० रुप्यकाणि वर्धयित्वा प्रतिक्विन्टलं २४२५ रुप्यकाणि यावत् अभवत् । अन्येषां पञ्चानां रबीसस्यानां यव-चना-मसूर-सर्षपस्य, कुसुमस्य च एम.एस.पी. निवृत्तमानसूनसमये (अक्टोबर-नवम्बर) रबीसस्यानि रोप्यन्ते । प्रायः एप्रिलमासे ग्रीष्मऋतौ एतानि सस्यानि कर्त्यन्ते । एतानि सस्यानि वर्षया बहु प्रभावितानि न भवन्ति । गोधूमः, चणकः, मटरः, सर्षपः, यवः च प्रमुखाः रबीसस्याः सन्ति ।