स्वच्छतायाः प्रतिबद्धता सम्पूर्णजीवनस्य प्रतिज्ञा वर्तते-प्रधानमन्त्री नरेन्द्रमोदी
प्रधानमन्त्री नरेन्द्रमोदी अवदत् यत् स्वच्छतायाः प्रतिबद्धता सम्पूर्णजीवनस्य प्रतिज्ञा वर्तते। तेन जनाः समाहूताः यत् स्वच्छतां जीवनस्य अङ्गत्वेन स्वीकुर्युः। स्वच्छभारताभियानस्य दश-वर्ष- पूर्त्यवसरे राजधान्यां नवदिल्यां ऐषमः स्वच्छता एव सेवा कार्यक्रमं सम्बोधयन् प्रधानमन्त्रिणा स्वच्छतां जनान्दोलनं विधातुं चत्वारिंशदुरैकशतकोटि भारतीयानाम् भावना प्रणमिता। प्रधानमन्त्री अवोचत् यत् पञ्चदश दिनेषु स्वच्छता पखवाड़ा इत्यस्य अन्तर्गतं देशे सप्तविंशतिः लक्षाधिक-कार्यक्रमाः आयोजिताः। एतेषु कार्यक्रमेषु अष्टविंशतिः कोट्यधिकाः जनाः प्रतिभागं कृतवन्तः। श्री मोदी अवोचत् यत् अयं दिवसः अस्मान् महात्मगान्धिनः देशस्य अन्य- महापुरुषाणां च स्वप्न-कल्पित-भारतं वास्तविक रुपेण परिवर्तितुं प्रेरयति। स्वच्छ- भारताभियानस्य सफलतायां समेषां देशवासिनां स्वच्छता-कर्मिणां धार्मिकनेतृणां क्रीडकाणां प्रसिद्ध-जनानां प्रशासनेतर-सङ्घटनानां वार्ताभिकरणानां च योगदानं प्रधानमन्त्रिणा प्रशंसितम्। प्रधानमन्त्रिणा दश सहस्र-कोटि-रुप्यकाणां स्वच्छता परियोजनानाम् अपि चर्चा कृता।
स्वच्छतायाः प्रतिबद्धता सम्पूर्णजीवनस्य प्रतिज्ञा वर्तते-प्रधानमन्त्री नरेन्द्रमोदी
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
