कुलदीपसिंहराठौर: करिष्यति “संवाद” इति पुस्तकस्य विमोचनम्
हिमसंस्कृतवार्ता: – शिमला।
हिमाचलप्रदेशस्य युवा कविः, लेखकः, पत्रकारः च हितेन्द्रशर्मा इत्यस्य प्रथमपुस्तकस्य ‘संवाद काव्य संग्रहः’ इत्यस्य विमोचनं ठियोग-कुमारसैनस्य विधायकस्य तथा काङ्ग्रेसस्य राष्ट्रियप्रवक्तु: कुलदीपसिंहराठौरस्य करकमलाभ्यां गुरुवासरे २९ अगस्तदिनाङ्के शिमलानगरस्य राजीवभवने भविष्यति। कार्यक्रमस्य अध्यक्षता हिमाचलप्रदेशकाँग्रेसदलस्य अध्यक्षा प्रतिभासिंह करिष्यति।
कुलदीपसिंहराठौरः अस्मिन् साहित्यिककार्यक्रमे पुस्तकविमोचनसमारोहे च मुख्यातिथिरूपेण भागं ग्रहीष्यति। कुलदीपसिंहराठौरस्य जन्मदिवसस्य अवसरे साहित्यिककार्यक्रमे “संवाद” इति पुस्तकस्य विमोचनं साहित्यक्षेत्रे सराहनीयः प्रयासः अस्ति। अस्मिन् अवसरे हिमाचलप्रदेशस्य प्रसिद्धाः कवय:, लेखकाः, कथाकाराः, समीक्षकाः, पत्रकाराः, बुद्धिजीविनः, समाजसेवकाः च उपस्थिताः भविष्यन्ति ।
शिमलामण्डलस्य कुमारसैनक्षेत्रस्य हितेन्द्रशर्मा विगतकेभ्यः वर्षेभ्यः विभिन्नसञ्चारमाध्यमद्वारा “साहित्यकलासंवाद” कार्यक्रमस्य कुशलतापूर्वकं संचालनं कुर्वन् अस्ति। सम्प्रति सः स्तम्भलेखन, पत्रकारिता, साहित्यस्य च सेवायां निरन्तरतया कार्यं कुर्वन् अस्ति, तस्य प्रथमः काव्यसंग्रहः संवादः इति शीर्षकेण प्रकाश्यते।
