Kinnar Kailash Yatra : किन्नरकैलाश-यात्रायै 25 जुलाईत: पंजीकरणम्
हिमसंस्कृतवार्ता: – रिकांगपिओ।
किन्नौर प्रशासनेन भगवतः शिवस्य शिशिरनिवासस्थानस्य किन्नरकैलाशस्य यात्रायाः कृते २५ जुलाई २०२४ दिनाङ्कात् प्रातः ११ वादनतः पञ्जीकरणतिथिः आरभ्यते इति घोषणा प्रसारिता अस्ति। पञ्जीकरणस्य एषा सुविधा प्रशासनेन ऑनलाइन तथा आफलाइनरूपेण प्रदत्ता भविष्यति। जिल्लापर्यटन- अधिकारी किन्नौरम् एवं एसडीएम कल्पा डॉ. मेजर शशांक गुप्ता अवदत् यत् किन्नौरजनपदस्य तांगलिंगमार्गेण किन्नरकैलाशयात्रा आयोज्यते। १ अगस्ततः २६ अगस्तपर्यन्तं आयोज्य किन्नरकैलाशयात्रायाः ऑनलाइन-ऑफलाइन-पञ्जीकरणं २५ जुलाई दिनाङ्के प्रातः ११ वादनतः आरभ्यते। सः अवदत् यत् ऑनलाइन पञ्जीकरणार्थं http://hpkinnaur.nic.in इति सञ्चिकां गत्वा पञ्जीकरणं कर्तव्यं भविष्यति, यदा तु यात्रादिने एव ताङ्गलिंग् ग्रामं गत्वा यात्रिकेण आफलाइन पञ्जीकरणं कर्तुं शक्यते। यात्राकाले एकदिने २०० ऑनलाइन, १५० ऑफलाइन पञ्जीकरणं करिष्यते इति अपि सः अवदत्। एकवारादधिकं पञ्जीकरणं कर्तुं न शक्यते। यात्रायाः समये यात्रिकाणां कृते चिकित्सासुष्ठुताप्रमाणपत्रं दर्शयितुं अनिवार्यं भविष्यति तथा च चिकित्सासुष्ठुताप्रपत्रं २०२४ तमस्य वर्षस्य जुलाईमासस्य २५ दिनाङ्कात् अस्मिन् जालपुटे उपलभ्यते।
Kinnar Kailash Yatra : किन्नरकैलाश-यात्रायै 25 जुलाईत: पंजीकरणम्
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
