क्यार्टू-विद्यालये संस्कृतसम्भाषणशिबिरस्य समापनम्
शिमलाग्रामीणजनपदस्य राजकीय-वरिष्ठ-माध्यमिक-पाठशाला क्यार्टू इत्यत्र संस्कृतभारत्या: विद्यालयस्य च संयुक्तायासेन संस्कृतसम्भाषणशिबिरं सञ्चालितम् । शिमलाग्रामीणजनपदमन्त्री डॉ.सन्तोषकुमार: अकथयत् यत् इदं सम्भाषणशिबिरं जुलाई-मासस्य अष्टमदिनाङ्कत: आरभ्य विंशतिदिनाङ्कपर्यन्तं प्राचलत् । ललिता, रीतिका चास्य शिबिरस्य चालिके आस्ताम् । ये पूर्वसिद्धतापूर्वकं सोत्साहं सश्रमं च शिबिरबिन्दून् पाठितवत्यौ । शिबिरे अस्मिन् विद्यालयस्य ४० विद्यार्थिन: संस्कृतसम्भाषणस्य शिक्षणं प्राप्नुवन्, येषु १८ बालिका:, २२ बालका: आसन् । दीपप्रज्ज्वालनेन प्रारब्धस्य सम्भाषणशिबिरस्य समापनकार्यक्रमस्य अध्यक्षतां विद्यालयस्य उपप्रधानाचार्य: श्रीमान् देशराजचौहानमहोदय: अकरोत् । तत्र मुख्यातिथि: डॉ.मोहनलालमहोदय:, सारस्वतातिथि: श्रीमान् दिनेशमहोदय:, मुख्यवक्ता च श्रीमान् नवल-किशोरमहोदय: आसीत् । अनुभवकथनं दिया सुजलश्च कृतवन्तौ । शिबिरार्थिषु सेजल-नामक-बालिका सप्तमविभक्तिं पाठितवती । शिबिरं सम्यक्तया चालयितुं सर्वविधव्यवस्थां श्रीमान् देशराजचौहानवर्य: अकरोत् । छात्रा: अनेकविधसांस्कृतिककार्यक्रमान् कृतवन्त: । कार्यक्रमे विद्यालयस्य अनेके शिक्षका:, शिक्षिका:, छात्राश्चोपस्थिता: आसन् ।
क्यार्टू-विद्यालये संस्कृतसम्भाषणशिबिरस्य समापनम्
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
