Judo Competition : बिलासपुरजनपद: राज्यस्तरीयजूडो प्रतियोगिताया: विजेता, शिमला उपविजेता
हिमसंस्कृतवार्ता: – शिमला।
रविवासरे इन्दिरागान्धीराज्यक्रीडासङ्कुलस्य राज्यस्तरीय- कैडेट्जूडोप्रतियोगितायाः विजेतारः चलविजयोपहारै: सम्मानिताः। शिमलानगरस्य विधायक: हरीशजनार्था मुख्यातिथिरूपेण भागं स्वीकृतवान्। प्रतियोगितायां बिलासपुरमण्डलं समग्रस्पर्धाया: विजेता शिमलामण्डलं उपविजेता अभवत्। मुख्यातिथिः विजेतॄन् चलविजयौपहारै: सम्मानं कृतवान्। प्रतियोगितायां बालिकानां ४० किलोभारवर्गे हमीरपुरस्य कृतिका प्रथमस्थानं प्राप्तवती। शिमलातः नीना द्वितीयस्थानं प्राप्तवती तथा च शिमलातः दिव्यांक्षा याचना च तृतीयस्थानं प्राप्तवत्यौ। ४८ किलोग्रामे बिलासपुरस्य इप्सिता प्रथमा, बिलासपुरस्य तनुजा द्वितीया, ऊनाया: काजल, हमीरपुरस्य अर्शिता च तृतीयं स्थानं प्राप्तवती। ५२ किलोग्रामे बिलासपुरस्य प्रज्जवलः प्रथमं, बिलासपुरस्य दृष्टिः द्वितीयं, शिमलाया: साक्षी, हमीरपुरस्य सन्दली च तृतीयस्थानं प्राप्नोत्। बालकस्य ५० किलोग्रामभारविभागे शिमलाया: देवेन्द्रः प्रथमस्थानं प्राप्तवान्। शिमलातः हितेशः द्वितीयः, सिरमौरतः रमणः विवेकः च तृतीयः अभवन्। ५५ किलोग्रामे बिलासपुरतः शिवांशः प्रथमः, शिमलातः शिवमः द्वितीयः, हमीरपुरस्य निखिलः, सिरमौरतः सोनिकः च तृतीयः स्थानं प्राप्तवन्त:। ६० किलोग्रामे बिलासपुरस्य अयन: प्रथमस्थानं, शिमलाया: अभय: द्वितीयस्थानं, सोलनस्य गौरव:, शिमलाया: सक्षम: च तृतीयस्थानं प्राप्तवन्त:। ६६ किलोग्रामे बिलासपुरस्य दीक्षितः प्रथमः, शिमलानगरस्य यशसुमनः द्वितीयः, सोलनस्य रितेशः, लकिरचण्देरी च तृतीयस्थानं प्राप्तवन्त:।
