Himachal Bye Election – नामाङ्कननिवृत्तेः अनन्तरम् अधुना १३ अभ्यर्थिनः स्पर्धायाम्
हिमसंस्कृतवार्ता: – कार्यालयीय: प्रतिनिधि:।
निर्वाचनविभागस्य प्रवक्ता अवदत् यत् त्रिषु विधानसभाक्षेत्रेषु आयोज्य-उपनिर्वाचनेषु नामाङ्कनानां निवृत्तेः अनन्तरं अधुना आहत्य १३ अभ्यर्थिनः स्पर्धायाम् सन्ति। अधिकाधिकं सूचनां दत्त्वा प्रवक्ता अवदत् यत् देहरायां कोऽपि अभ्यर्थी नामाङ्कनं न निष्कासितवान् अत्र च आहत्य पञ्च, हमीरपुरे अधुना निर्दलीयप्रत्याशी प्रदीपकुमारस्य नामाङ्कनस्य निवृत्तेः अनन्तरं त्रयः तथा च नालागढनगरे अधुना निर्दलीयप्रत्याशी गुरनामस्य नामाङ्कनस्य निवृत्तेः अनन्तरं पञ्च अभ्यर्थिनः निर्वाचनक्षेत्रे सन्ति।
विधानसभानिर्वाचनक्षेत्रं देहरा
कांगड़ाजनपदस्य देहरा विधानसभानिर्वाचनक्षेत्रे भारतीयराष्ट्रीयकांग्रेसस्य कमलेश (53), भारतीयजनतापार्टीति दलस्य होशियारसिंह: (57), एवं निर्दलीया प्रत्याशी सुलेखादेवी (59), अरुण अंकेश स्याल: (34) एवं अधिवक्ता संजय शर्मा (56) च निर्वाचनस्पर्धायां सन्ति।
विधानसभाक्षेत्रं हमीरपुरम्
हमीरपुरविधानसभाक्षेत्रे भारतीय- जनतापार्टीति दलस्य आशीष शर्मा (37), भारतीयराष्ट्रीयकांग्रेसस्य डॉ. पुष्पिन्दरवर्मा (48) तथा निर्दलीय: प्रत्याशी नंदलालशर्मा (64) च निर्वाचनस्पर्धायां सन्ति।
नालागढ़ विधानसभाक्षेत्रम्
नालागढ़विधानसभाक्षेत्रे भारतीय- राष्ट्रीयकांग्रेसस्य हरदीपसिंहबावा (44), भारतीयजनतापार्टीति दलस्य के. एल. ठाकुर: (64), स्वाभिमानपार्टीति दलस्य किशोरीलाल: शर्मा (46) तथा निर्दलीय प्रत्याशी हरप्रीतसिंह: (36) विजयसिंह: (36) निर्वाचनस्पर्धायां सन्ति।
