LPG-जूनमासस्य प्रथमे एव दिने (द्रवितपेट्रोलियमगैस) अनिलकोशस्य मूल्ये अपकर्षः

LPG जूनमासस्य प्रथमे एव दिने (द्रवितपेट्रोलियमगैस) अनिलकोशस्य मूल्ये अपकर्षः,
हिमसंस्कृतवार्ताः,02 जून। जूनमासस्य प्रथमदिने एव जनाः महर्घतातः किञ्चित् सौख्यं प्राप्तवन्तः । तेलविपणनकम्पनयः जूनमासस्य प्रथमदिनाङ्के एलपीजीगैस इत्यस्य अनिलकोषे मूल्ये ७२ रुप्यकाणि न्यूनीकृतवन्तः। अद्यतः नूतनानि मूल्यानि प्रवर्तन्ते। परन्तु एतत् न्यूनीकरणं केवलं वाणिज्यिकगैससिलिण्डरस्य मूल्येषु एव अभवत्, यदा तु घरेलुगैससिलिण्डरस्य मूल्येषु परिवर्तनं न जातम् एतेन न्यूनीकरणेन देशस्य प्रमुखनगरेषु १९ किलोग्रामस्य वाणिज्यिकगैससिलिण्डरस्य मूल्यानि निम्नलिखितरूपेण सन्ति । सर्वप्रथमं यदि देशस्य राजधानी दिल्लीविषये वदामः तर्हि वाणिज्यिकगैससिलिण्डरस्य मूल्यं ६९.५० रुप्यकाणि न्यूनीकृतम् अस्ति। एतेन अपकर्षेण अत्र गैससिलिण्डरस्य मूल्यं अधुना १६७६ रुप्यकाणि जातम् । कोलकातायां वाणिज्यिकगैससिलिण्डरस्य मूल्यं ७२ रुप्यकाणां न्यूनतायाः सह १७८७ रुप्यकाणि, मुम्बईनगरे ६९.५० रुप्यकाणां न्यूनतायाः सह १६२९ रुप्यकाणि, चेन्नैनगरे वाणिज्यिकगैससिलिण्डरस्य मूल्यं ७०.५० रुप्यकाणां न्यूनतायाः सह १८४०.५० रुप्यकाणि च अस्ति