Himachal News : पूर्वविधायक: सुभाषचंदमंगलेट: भाजपायां सम्मिलित:
हिमसंस्कृतवार्ता- शिमला।
हिमाचलप्रदेशस्य चौपालत: पूर्वविधायक: सुभाषचन्द मंगलेट: भारतीय-जनता-दलम् इत्यस्मिन् दले सम्मिलित:। भाजपादलस्य राष्ट्रीयाध्यक्ष जगतप्रकाशनड्डा सुभाषचन्दमंगलेटस्य भाजपापरिवारे प्रवेशं कृत्वा प्रसन्नतां प्रकटितवान्।
२००३ तमे वर्षे प्रथमवारं विधायकः अभवत्
मङ्गलेट: २००३ तमे वर्षे केवलं २८ वर्षे प्रथमवारं स्वतन्त्रविधायकः अभवत्। मङ्गलेट: आरम्भादेव सामाजिकधार्मिककार्यैः सह सम्बद्धः अस्ति। सः हिमाचलप्रदेशे त्रय: धार्मिकाश्रमा:, राज्यात् बहिः एकं धार्मिकाश्रमं च निर्मितवान्, यत्र भक्ताः आगच्छन्ति गच्छन्ति च। काङ्ग्रेसदलस्य वाससमये मङ्गलेट पूर्वकाङ्ग्रेस- अध्यक्षस्य राहुलगान्धिनः दलस्य अनेकवारं कार्यं कृतवान्। मङ्गलेट पूर्वकाले काङ्ग्रेससर्वकारे विपणनमण्डलस्य अध्यक्षः आसीत्। सः अखिलभारतीय कृषिविपणनमण्डलस्य अध्यक्षपदमपि कृतवान्।
सुभाषचन्द मङ्गलेट इत्यनेन उक्तं यत् प्रधानमन्त्री मोदी इत्यस्य नेतृत्वे राष्ट्रियाध्यक्षस्य जगतप्रकाशनड्डा इत्यस्य मार्गदर्शनेन च देशस्य विकासाय, दलस्य सुदृढीकरणाय च स्वस्य परिश्रमस्य पराकाष्ठां प्राप्तुं सः सदैव सज्जः भविष्यति।
