समलैङ्गिकसम्बन्धम् अपराधं भविष्यति- इराकसंसद:

समलैङ्गिकसम्बन्धम् अपराधं भविष्यति- इराकसंसद:
हिमसंस्कृतवार्ता:- डॉ नरेन्द्रराणा सिरमौर:।
इराकस्य संसदि समलैङ्गिकसम्बन्धम् अपराधं स्वीकृत्य विधेयकं प्रस्तावितम्। अस्य विधेयकस्य उल्लङ्घनेन ७ वर्षाणां कारावासस्य अनिवार्यदण्डः भविष्यति, यत् १५ वर्षाणि यावत् वर्धयितुं शक्यते। नूतने विधेयके लैङ्गिकपरिवर्तनार्थं १ तः ३ वर्षपर्यन्तं कारावासस्य अपि प्रावधानम् वर्तते।
अधिकारिणां मते इराकीसमाजस्य धार्मिकनैतिकमूल्यानां संरक्षणार्थं सर्वकारेण एतत् विधेयकं स्वीकृतम्। अवधेयं वर्त्तते यत् १३० देशेषु समलैङ्गिकसम्बन्धः वैधानिकः अस्ति, ६० देशेषु च अपराधः मन्यते।