बिलासपुरस्य जुखालाक्षेत्रे सेतो: अध: पतितं हिमाचलपथपरिवहननिगमस्य बसयानम्
हिमसंस्कृतवार्ता- बिलासपुरम्।
बिलासपुरस्य जुखालाक्षेत्रस्य समीपे घयानासेतुतः हिमाचलपथपरिवहननिगमस्य बसयानं पतितम्। इदं बसयानं शिमलातः जङ्गलबैरीं प्रति गच्छति स्म। दुर्घटनायां प्रायः द्वादशजनाः घातिताः, ये नागरिकचिकित्सालयं मार्कण्डेयं नीताः। घटनायाः सूचना प्राप्तमात्रेण पुलिसदलं तत्स्थानं प्राप्नोत्। रविवासरे मध्याह्ने १२ वादनस्य समीपे इयं दुर्घटना अभवत्। बसयानं पृष्ठतः मालवाहकेन आहतम् तत: सेतोत: अध: पतितम् इति कथ्यते।
