प्रथमचरणस्य लोकसभानिर्वाचनस्य अभियानं समाप्तम्

प्रथमचरणस्य लोकसभानिर्वाचनस्य अभियानं समाप्तम्
हिमसंस्कृवार्ताः। प्रथमचरणस्य लोकसभानिर्वाचनस्य अभियानं गतसायं समाप्तम्। अस्मिन् चरणे शुक्रवासरे १७ राज्येषु चतुर्षु च केन्द्रप्रदेशेषु १०२ निर्वाचनक्षेत्रेषु मतदानं भविष्यति।
अरुणाचलप्रदेशः, मेघालयः, मिजोरमः, नागालैण्डः सिक्किमः, अण्डमाननिकोबार द्वीपः, लक्षद्वीपः, पुडुचेरी, उत्तराखण्डः, तमिलनाडु इत्यादिषु सर्वेषु लोकसभासनेषु अस्मिन् चरणे मतदानं भविष्यति।
राजस्थाने १२, उत्तरप्रदेशे ८, मध्यप्रदेशे ६, असम-महाराष्ट्रे पञ्च-पञ्च, बिहारे चत्वारि, पश्चिमबङ्गे त्रीणि, मणिपुरे द्वे, छत्तीसगढे, त्रिपुरायां, जम्मू-कश्मीरे च एकैके आसने च प्रथमचरणं मतदानं भविष्यति।