Lok Sabha Election 2024: मण्डीत: विक्रमादित्य: शिमलात: विनोद: सुल्तानपुरी

Lok Sabha Election 2024: मण्डीत: विक्रमादित्य: शिमलात: विनोद: सुल्तानपुरी
हिमसंस्कृतवार्ता- कार्यालयीय: प्रतिनिधि:।
हिमाचलकाङ्ग्रेसेन लोकसभानिर्वाचनस्य चतुर्णामासनानां मध्ये द्वयोः आसनयो: प्रत्याशिनो: नाम अन्तिमरूपेण निर्धारितम्। काङ्ग्रेसेन मण्डीसंसदीय निर्वाचनक्षेत्रात् मन्त्री विक्रमादित्यसिंहस्य, शिमला संसदीयक्षेत्रात् विनोदसुल्तानपुरी इत्यस्य च नाम अन्तिमरूपेण निर्धारितम् अस्ति। परन्तु काङ्गड़ा चम्बा, हमीरपुर-संसदीयासनयोः अभ्यर्थिनः अद्यापि न घोषिताः। ध्यातव्यं वर्तते यत् भाजपा मण्डी संसदीयक्षेत्रतः अभिनेत्री कङ्गनारणौत इत्यस्यै नामपत्रं दत्तवती अस्ति तथा च शिमलातः सुरेशकश्यपः तस्य प्रत्याशी कृतः अस्ति।