जेईई-मेन्स् इत्यस्य द्वितीयं सत्रं अप्रैल-मासस्य ४ तः १२ पर्यन्तं ३१९ नगरेषु विभिन्नेषु केन्द्रेषु भविष्यति
अस्मिन् वर्षे संयुक्तप्रवेशपरीक्षायाः द्वितीयसत्रस्य अभ्यर्थिनः – JEE Mains इत्यस्य परीक्षाकेन्द्रस्य नगरविनियोगस्य विषये राष्ट्रियपरीक्षासंस्थायाः अग्रिमसूचना अधिसूचिता अस्ति। जेईई-मेन्स् इत्यस्य द्वितीयं सत्रं अप्रैल-मासस्य ४ तः १२ पर्यन्तं ३१९ नगरेषु विभिन्नेषु केन्द्रेषु भविष्यति। तेषु २२ नगराणि विदेशीयदेशेभ्यः सन्ति ।
प्रतिदिनं द्वयोः सत्रयोः परीक्षा भविष्यति। प्रथमं सत्रं प्रातः ९ वादनतः मध्याह्न १२ वादनपर्यन्तं द्वितीयसत्रम् अपराह्ण ३ वादनतः सायं ६ वादनपर्यन्तं भविष्यति। १२ एप्रिल दिनाङ्के परीक्षा प्रातःकाले एव भविष्यति। अभ्यर्थिनः एनटीए-जालस्थले स्वस्य आवेदनसङ्ख्यां जन्मतिथिं च प्रविष्ट्वा परीक्षाकेन्द्रस्य नगरस्य विषये सूचनां प्राप्तुं शक्नुवन्ति।
राष्ट्रियपरीक्षासंस्थया उक्तं यत् नगरस्य सूचनापत्रस्य उपयोगः अभ्यर्थिभिः प्रवेशपत्ररूपेण कर्तुं न शक्यते। एषा केवलं तस्य नगरस्य विषये अग्रिमसूचना भविष्यति यत्र तेषां परीक्षाकेन्द्रं भविष्यति।
जेईई-मेन्स् इत्यस्य द्वितीयं सत्रं अप्रैल-मासस्य ४ तः १२ पर्यन्तं ३१९ नगरेषु विभिन्नेषु केन्द्रेषु भविष्यति
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
