PM Modi – मण्डीत: चंडीगढ़पर्यन्तं मात्रहोरात्रयम् प्रधानमंत्रिणा नरेन्द्रमोदिना किरतपुर-मनाली-चतुष्पंक्तिराजमार्गस्य पुङ्घपर्यन्तं लोकार्पणम् कृतम्
हिमसंस्कृतवार्ता- कार्यालयीय: प्रतिनिधि:।
अधुना जनाः मण्डीतः चण्डीगढं सहजतया स्ववाहनेन त्रिषु होरासु गन्तुं शक्नुवन्ति। पूर्वं षड्होरासु चण्डीगढं प्राप्तुं न शक्यते स्म । बिलासपुरजनपदस्य स्वारघाटस्य आरोहणावरोहणस्य उपद्रवं दूरं कृत्वा प्रायः ४० किलोमीटर् दूरं न्यूनीकृत्य धनस्य समयस्य च रक्षणं भविष्यति। मालवाहनस्य अपि न्यूनता अभवत् । कृषकाणां, उद्यानपालकानां च नवीना: उत्पादाः अन्यराज्यानां विपणीषु अपि सहजतया गमिष्यन्ति।
एषा चतुष्पंक्तिमार्गः हरित-भूर-क्षेत्रयोः विभक्तः अस्ति । प्रायः ४८ कि.मी.दीर्घं भूरेण, २१.२०३ कि.मी.दीर्घं हरितक्षेत्रं चतुःमार्गं निर्मितम् अस्ति । यात्रां सुलभं कर्तुं पञ्जाबसीमायां कैन्चीमोडात् सुन्दरनगरस्य भवानापर्यन्तं पञ्च कन्दरा:, २५ बृहत्, १७ लघु सेतव: निर्मिताः सन्ति । पञ्चानां कन्दराणां दीर्घता प्रायः सार्धपञ्चकिलोमीटर् भवति । कुल्लुपर्यन्तं चतुष्पंक्तिराजर्मार्गस्य निर्माणकार्यं सम्पन्नम्।
प्रधानमंत्री मोदी उदाहरणं उपस्थापितवान्
अस्य त्रिचरणीयं उद्घाटनं गतवर्षस्य जून-जुलाई-मासे प्रस्तावितं आसीत् । मण्डीतः मनालीपर्यन्तं मार्गस्य जुलै-अगस्त-मासयोः आपदायाः कारणेन महती क्षतिः अभवत् । अस्य कारणात् उद्घाटनकार्यक्रमः स्थगितः अभवत् । निर्वाचनसमये जनसमूहं भ्रमितुं राजनैतिकदलानि अर्धसमाप्तविकासकार्यस्य उद्घाटनं कुर्वन्ति । एतत् न कृत्वा प्रधानमंत्री मोदी उदाहरणं उपस्थापितवान्।
किरतपुर-मनाली-चतुष्पंक्तिराजमार्गस्य यावत् कार्यं सम्पन्नम् तावत् उद्घाटितम् अस्ति। एवं तु नौलखातः नागचलापर्यन्तं चतुःमार्गः निर्मितः अस्ति । वाहनानि अपि आगच्छन्ति। सुन्दरनगर उपमार्गस्य अपूर्णतायाः कारणात् नागचलापर्यन्तं तस्य उद्घाटनं न अभवत् । मोदी हिमाचलस्य जनानां कृते ६७१३ कोटिरूप्यकाणां परियोजनानां उपहारं दत्तवान्।
एतेषां विकासकार्याणां कृते आधारशिला: स्थापिता:
प्रधानमंत्री मोदी हमीरपुर उपमार्गस्य (चिलबहलस्य) अन्ततः ज्वालामुख्याः भांगबरखण्डपर्यन्तं ११४६ कोटिरूप्यकाणां व्ययेन निर्माणाधीनस्य धातुस्कन्धयुक्तस्य ३७ कि.मी. राष्ट्रियराजमार्गस्य आधारशिलाम् अस्थापयत्। प्रधानमन्त्रिणा राष्ट्रियराजमार्गस्य १०३ एवं ३ शिमला मटौरम् इत्यत्र ७३९ कोटिरूप्यकाणां व्ययेन १७ कि.मी.दीर्घस्य हमीरपुर- उपमार्गस्य निर्माणस्य, पठानकोट-मण्डी-चतुष्पंक्तिराजर्मार्गे काङ्गड़ाजनपदस्य सिहुनीतः राजोलपर्यन्तं ६३७ कोटिरूप्यकाणां व्ययेन निर्माणाधीनस्य १८ कि.मी दीर्घस्य चतुष्पंक्तिराजर्मार्गस्य पुनर्वासस्य, उन्नयनस्य च शिलान्यासः कृतः । अस्मिन् एव मार्गे ८३७ कोटिरूप्यकाणां व्ययेन निर्मितस्य १६ किलोमीटर् ठानपुरी परोर चतुष्पंक्तिराजर्मार्गस्य आधारशिला अपि स्थापिता।
