सुप्रसिद्ध–गज़लगायकस्य पंकजउधासस्य निधनम्। ७२ वयसि स्वीकृता: अन्तिमश्वासा: ।
(हिमसंस्कृतवार्ता शिवा शर्मा)
सुप्रसिद्ध–गज़लगायकस्य पंकजउधासस्य निधनम् जातम् । असौ ७२ वयसि अन्तिमश्वासान् स्वीकृतवान्।
तस्य जन्म १९५१ तमे वर्षे मई मासस्य १७ दिनाङ्के गुजरातराज्यस्य जेटपुरनगरे अभवत् । पंकजउधासस्य पुत्री नायाबउधासः स्वकीये इंस्टाग्रामपटले विलिख्य स्वपितुः निधनस्य पुष्टिं कृतवती।
अनया लिखितं यत् ” सखेदं संसूच्यते यत् पद्मश्रीपङ्कजउधासस्य दीर्घकालीनरोगेण 26 फरवरी 2024 दिनाङ्के दैवलोकप्रस्थानमभवत्।”
प्राप्तवार्तानुसारं पङ्कज–उधासस्य निधनं २६ फरवरीदिनाङ्के प्रातः ११ वादने ब्रीचकैण्डीचिकित्सालये अभवत् । गायकः चिरकालाद् रुग्ण: आसीत् । विगतदिवसेभ्य: तस्य स्वास्थ्यं समीचीनं नासीत् । गायकस्य निधनस्य वार्तया चलच्चित्रजगति सर्वत्र शोकतरङ्गा: वर्तन्ते। तस्य प्रशंसकाः स्तब्धाः सन्ति । प्रशंसकाः सामाजिकसंचारमाध्यमेषु तस्य स्मरणं संकृत्य तस्मै श्रद्धाञ्जलिम् यच्छन्ति।
अति उत्तम।
नमो नमः श्रीमन् , पत्रमिदं प्रतिनित्यमपेक्ष्यते कथं प्राप्तुं शक्यते ? कृपया बोध्यताम्
Himsanskritam.com
अन्तर्जालपुटे प्रतिदिनं स्थापितं भवति