भारत-संयुक्तारब- अमीरातयोः सहयोगः नैकगुणितः प्रवर्धित:- प्रधानमन्त्री

विगतेभ्यः नववर्षेभ्यः वाणिज्य- निवेश- रक्षा- खाद्य- ऊर्जा- सुरक्षा- शिक्षादि विभिन्नेषु क्षेत्रेषु भारत-संयुक्तारब- अमीरातयोः सहयोगः नैकगुणितः प्रवर्धित:- प्रधानमन्त्री
प्रधानमन्त्रिणा नरेन्द्रमोदिना प्रोक्तं यत् विगतेभ्यः नववर्षेभ्यः वाणिज्य- निवेश- रक्षा- खाद्य- ऊर्जा- सुरक्षा- शिक्षा- सदृशेषु विभिन्नेषु क्षेत्रेषु भारतस्य संयुक्तारब- अमीरातेन सह सहयोगः नैकगुणितः प्रवर्धितोऽस्ति, अनेन सहैव सांस्कृतिक- दृष्ट्यापि जनानां मध्ये संपर्कः दृढः सञ्जातो वर्तते। मोदिना अबुधाबी- मध्ये संयुक्तारब- अमीरातस्य राष्ट्रपतिना शेख- मोहम्मद- बिन- जाएद-अल-नाहयानेन सह मेलिष्यति, अपि च व्यापक- सामरिक- सन्धि- विस्तार- सम्बद्धेषु नैकविषयेष्वपि चर्चा करिष्यति। प्रधानमन्त्रिणा कथितं यत् किंचित्काल- पूर्वमेव मया गुजराते नाहयानस्य आतिथ्यं कर्तुमवसरः प्राप्तः आसीत्, यदा सः वाइब्रेंट- गुजरात- वैश्विक- शिखर- सम्मेलने चतुर्विंशत्यधिक- द्विसहस्रे मुख्यातिथित्वेन आसीत्। मोदिना प्रोक्तं यत् सः दुबई- मध्ये विश्व- शिखर- सम्मेलने संयुक्तारब- अमीरातस्य उपराष्ट्रपतेः, प्रधानमन्त्रिणः, रक्षामन्त्रिणः, तत्रत्यशासकस्य शेखमोहम्मद- बिन- राशिद- अल- मखतूमस्य निमन्त्रणे अत्रागतवान् तथा च अत्र आगत्य नैक- वैश्विक- नेतृभिः सह मिलित्वा तान् सम्बोधयिष्यति। मोदिना इदमपि प्रकथितं यत् शिखरसम्मेलनावसरे तत्रत्य- प्रधानमन्त्रिणा शेखमोहमम्मद- बिन- राशिदेन सहापि द्विपक्षीय- सम्बन्धान् द्रढयितुं चर्चा भविष्यति। अवधेयं यत् मोदी स्वीय- यात्राकाले अधुधाबी- मध्ये प्रथम- हिन्दूमन्दिरस्यापि उद्घाटनं करिष्यति। मन्दिरमिदं सद्भावनायाः सौहार्दस्य शान्तेः सहिष्णुतायाः शाश्वत- मूल्यानां च विस्तारे महत्त्वपूर्ण- भूमिकां निर्वक्ष्यति, अपि च द्वयोः देशयोरेव ईदृशः संकल्पो अपि वर्तते। प्रधानमन्त्री अबूधाबी- मध्ये एकस्मिन् विशेष- कार्यक्रमे भारतीयजनैः सहापि मेलनं कृत्वा तान् सम्बोधयिष्यति। मोदिना इदमपि कथितं यत् सः तत्रत्येन अमीर- शेख- तमीम- बिन- हम्द- अल- थानिना सहापि मेलिष्यति, यस्य च भूमिका तत्रत्य- विकासे महत्त्वपूर्णा विद्यते, एतस्य च नेतृत्वे संयुक्तारबे आश्चर्यजनक- विकासं परिवर्तनं च दृष्टमस्ति। मोदिना भणितं यत् भारत- कतर- मध्ये ऐतिहासिकरूपेण मैत्रीपूर्णाः घनिष्ठसम्बन्धाश्च सन्ति।