राज्यसभायां प्रधानमन्त्रिणः धन्यवाद-प्रस्तावः
भारत-सर्वकारेण साहसिकाः बृहद्-नीतिगताः च निर्णयाः नीताः, येन भारतं विश्वस्य पञ्चतमी बृहद-अर्थव्यवस्था सञ्जाता- प्रधानमन्त्री।
प्रधानमन्त्रिणा नरेन्द्रमोदिना राज्यसभायाम् उक्तं यत् तस्य सर्वकारेण साहसिकाः बृहद्-नीतिगताः च निर्णयाः नीताः, यस्य परिणामस्वरूपं भारतं विश्वस्य पञ्चतमीं बृहद-अर्थव्यवस्था सञ्जाता। प्रधानमन्त्री संसदः द्वयोः सदनयोः संयुक्तोपवेशने राष्ट्रपति द्रौपदी मुर्मुवर्यायाः अभिभाषणे धन्यवाद-प्रस्तावे चर्चायां राज्यसभायाम् उत्तरं प्रददन् आसीत्। कांग्रेसेति दले आक्रमणं कुर्वता मोदिना उक्तं यत् कांग्रेस-दलं उत्तरदक्षिण- भारतेति विषये चर्चायाः माध्यमेन देशं विभाजितुं प्रयासं करोतीति। तेन विपक्षी दलानां उपरि कटाक्षं कुर्वता उक्तं यत् कांग्रेस-दलस्य पार्श्वे स्वकीयनेतृणां नीतीनां च प्रत्याभूतिः नास्ति, परञ्च सर्वकारस्य प्रत्याभूतिषु प्रश्नम् उत्थापयति। मोदिना पश्चिमबंगालस्य मुख्यमन्त्री ममताबनर्जी इत्यस्याः वाक्यस्य उल्लेखं कुर्वता उक्तं यत् सा प्रोक्तवती आसीत् यत् कांग्रेसदलं आगामिनिर्वाचने चत्वारिंशदपि स्थानानि न प्राप्स्यति, परञ्च अहं प्रार्थनां करोमि यत् कांग्रेसदलं चत्वारिंशत् यावत् पदानि अवश्यमेव अर्जयेदिति। प्रधानमन्त्रिणा उक्तं यत् कांग्रेस-दलं लोकतन्त्रस्य हननं कृत्वा सम्प्रति लोकतन्त्रस्य संघवादस्य च प्रचारं करोति।
सर्वकारः राष्ट्रियराजमार्गेषु उपग्रह-आधारितं जी.पी. एस. टोल संग्रहणमिति प्रणाल्याः संचालनाय सज्जः -नितिनगडकरी
सर्वकारः राष्ट्रियराजमार्गेषु उपग्रह-आधारितं जी.पी. एस. टोल संग्रहणमिति प्रणाल्याः संचालनाय सज्जः वर्तते। राज्यसभायां प्रश्नकालावधौ पूरक प्रश्नस्योत्तरे मार्गपरिवहन राजमार्ग मंत्रिणा नितिन गडकरिणा उक्तं यत् लोकसभा निर्वाचनात् पूर्वमेव उपग्रहाधारितं- टोल-संग्रह-कार्यस्य संचालनस्यारम्भः भविष्यति । तेनोक्तं यत् नवप्रणाल्यान्तर्गतं वाहन- अंकानां माध्यमेनैव मार्गशुल्कं बैंकादेव स्वीकरिष्यते। श्री गडकरिणा प्रतिपादितं यत् नवटोल संग्रह-प्रणाल्या टोल संग्रह भवनानां द्वाराणां च अपसारणं भविष्यति येन राजमार्गे यात्रा सरला सुलभा च भविष्यति । तेनोक्तं यत् अधुनायावत् त्रयोदशलक्षाधिक अष्टकोट्यावत् द्रुतचिटिकानां प्रयोगं क्रियते अपि च प्रतिदिनं सप्तत्यधिकैकशतात् अशीत्यधिकैकशतं कोटि रुप्यकाणां संग्रहः क्रियते।
राज्यसभायां प्रधानमन्त्रिणः धन्यवाद-प्रस्तावः
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
