ताइवानदेशे लाई चिंग्-ते राष्ट्रपतिनिर्वाचने विजयं प्राप्तवान्

ताइवानदेशस्य सत्तासीनः डेमोक्रेटिक प्रोग्रेसिव् पार्टी इत्यस्य सदस्यः लाई चिंग्-ते राष्ट्रपतिनिर्वाचने विजयं प्राप्तवान्
ताइवानदेशे बहुप्रतीक्षिते राष्ट्रपतिनिर्वाचने डेमोक्रेटिकप्रोग्रेसिवपक्षस्य प्रत्याशी लाई चिंग्-ते विजयं प्राप्तवान्। सः अग्रिमः राष्ट्रपतिः भविष्यति इति निश्चितम्। २०१६ तमात् वर्षात् ताइवानदेशस्य राष्ट्रपतित्वेन त्साई इङ्ग वेन् इत्यस्य कार्यकालद्वयं सम्पन्नं कृत्वा अयं दलस्य तृतीयऐतिहासिकविजयः अस्ति ।
केन्द्रीयनिर्वाचनआयोगस्य प्रतिवेदनानुसारं लाईमहोदयेन पञ्चाशत् लक्षाधिकं मतं प्राप्तम्। कुलमतेषु तेषां भागः चत्वारिंशत् प्रतिशतात् अधिकः अस्ति । कु ओमिताङ्गस्य प्रत्याशी हौ यू-इहः ३३ प्रतिशतं मतं प्राप्तवान् । तृतीयस्थाने स्थितः पीपुल्स् पार्टी इत्यस्य प्रत्याशी वेन् जी २६ प्रतिशतं मतं प्राप्तवान् ।
ताइवानदेशस्य मेयररूपेण कार्यं कृतवान् लाईमहोदयः राष्ट्ररक्षा, अर्थव्यवस्था, लोकतान्त्रिकसाझेदारैः सह च सहकार्यं निरन्तरं कर्तुं प्रतिज्ञां कृतवान् अस्ति।