पुलिसमहानिदेशक: संजयकुण्डु: पदात् वारित:, आयुषविभागे अभवत् नियुक्ति:
हिमसंस्कृतवार्ता:- शिमला।
उच्चन्यायालयस्य आदेशान् अनुसृत्य राज्यसर्वकारेण पुलिसमहानिदेशक: संजयकुण्डुः पदात् वारित:। राज्यसर्वकारेण आईपीएस-अधिकारिणः संजयकुण्डो: पुलिसमहानिदेशकस्य पदात् निवारय अधुना आयुषविभागे प्रधानसचिवः नियुक्तः अस्ति। तस्मिन् एव काले पुलिसाधीक्षक काङ्गड़ा शालिनी अग्निहोत्री इत्यस्या विषये अधुनापि कोऽपि आदेशः न निर्गतः। राज्यस्य नूतनः पुलिसमहानिदेशक: कः भविष्यति इति विषये निर्णयः मंगलवासरस्य सायं यावत् कर्तुं शक्यते इत्यपेक्षासीत्। होटलव्यापारिणं निशांतशर्मणं धमनकृत्य सम्बद्धे प्रकरणे हिमाचल उच्चन्यायालयेन अधुनैव डीजीपी संजयकुण्डुः एसपी काङ्गड़ा शालिनी अग्निहोत्री च स्वपदात् निष्कासयितुम् आदेशः दत्तः आसीत्। राज्यसर्वकारेण स्वस्य आदेशस्य अनुपालनप्रतिवेदनं हिमाचलप्रदेश- उच्चन्यायालये जनवरीमासस्य चतुर्थे दिनाङ्के दातव्यम् अस्ति।
उच्चन्यायालयस्य निर्देशानुसारं कार्मिकविभागेन मंगलवासरे प्रातःकाले डीजीपी संजयकुण्डुः पदात् निष्कासनस्य आदेशः प्रसारित:, संजयकुण्डुः नूतनप्रभारं स्वीकृत्य अमनदीपगर्गः आयुषविभागात् मुक्तः भविष्यति। सर्वोच्चन्यायालये हिमाचलप्रदेश उच्चन्यायालयस्य पदात् निष्कासनस्य आदेशं आईपीएस अधिकारी संजयकुण्डुः प्रार्थितवान्। परन्तु अयं प्रकरणः अद्यापि सर्वोच्चन्यायालये सूचीकृतः नास्ति। आईपीएस- अधिकारिणः संजयकुण्डुमहोदयस्य डीजीपी इति पदात् त्यागपत्रस्य अनन्तरं पुलिसविभागस्य प्रमुखस्य कृते प्रभावकार्यं तीव्रं जातम्। नवीन डीजीपी हेतु १९८९ बैच आईपीएस अधिकारी एस. आर. ओझा, १९९० बैच आईपीएस अधिकारी श्याम भगत नेगी, १९९२ बैच आईपीएस अधिकारी अतुल वर्मा इत्येतेषां नामानि चर्चायां वर्तन्ते।
पुलिसमहानिदेशक: संजयकुण्डु: पदात् वारित:, आयुषविभागे अभवत् नियुक्ति:
![](https://himsanskritam.com/wp-content/uploads/2024/01/सञ्जय-कुण्डु.jpg)
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment