विवेकबिन्द्रा विवादः चर्चायामस्ति, पत्नीं ताडनस्य अस्ति आरोपः

विवेकबिन्द्रा विवादः चर्चायामस्ति
वार्तापत्रिकासु इदानीं प्रसिद्धः प्रेरकवक्ता विवेकविन्द्रा चर्यायामस्ति। तस्योपरि आरोपः वर्तते यत् विवेकबिन्द्रा स्वपत्न्याः उपरि आक्रमणं कृतवान्। तत्सम्बन्धं प्रकरणं पुलिसस्थानके पञ्जीकृतमस्ति। प्रेरकवक्ता स्वपत्नीं कक्षे निरुद्ध्य ताडितवान् इति आरोपः अस्ति। ताडनेन भार्यायाः कर्णपटलः स्फुटितः। तस्य शरीरे व्रणस्य चिह्नानि सन्ति। उत्तरप्रदेशस्य गौतमबुद्धनगरमण्डलस्य नोएडा-नगरस्य सेक्टर-१२६-पुलिसस्थाने स्वपत्न्याः उपरि आक्रामणं कृत्वा प्रसिद्धस्य प्रेरकवक्ता विवेकबिन्द्रस्य विरुद्धं प्रकरणं पंजीकृतम् अस्ति। भार्यायाः भ्राता एतत् प्रकरणं पञ्जीकृतवान् । पुलिसस्थानके पञ्जीकृतस्य प्रकरणानुसारं ताडनानन्तरं दिल्लीनगरस्य निजचिकित्सालये कतिपयान् दिनानि यावत् महिलायाः चिकित्सा कृता। तस्य कर्णपटलः स्फुटितः इति आरोपः अस्ति । अभियुक्तः भार्यायाः केशान् आकर्षितवान्। स्त्रियाः शरीरे व्रणाः दृश्यन्ते । नोएडापुलिसप्रशासनम् सत्यतायाः विषये अन्वेषणं आरब्धवान् अस्ति। सर्वान् पक्षान् मनसि कृत्वा पुलिसप्रकरणस्य अन्वेषणं कुर्वती अस्ति।