अभिनेत्री कंगना रनौत जगतप्रकाशनड्डावर्येण सह अमिलत्
पुनः राजनैतिकी चर्चा आरब्धा
हिमसंस्कृतवार्ता- कार्यालयीय: प्रतिनिधि:।
बालीवुड अभिनेत्री कङ्गनारणौत कुल्लौ भाजपादलस्य राष्ट्रीयाध्यक्षेण जगतप्रकाशनड्डावर्येण सह मिलितवती। यद्यपि एतत् शिष्टाचारः इति कथ्यते, परन्तु भाजपादलस्य राष्ट्राध्यक्षस्य कङ्गनया सह अस्याः समागमात् अनेके अर्थाः अनुमानिताः सन्ति। राजनैतिकवृत्तेषु अपि चर्चायाः चक्रम् आरब्धम् अस्ति ।
२०२४ तमे वर्षे मण्डीलोकसभासंसदीयक्षेत्रात् दलस्य प्रत्याशी कः भविष्यति इति विषये अद्यापि स्थितिः स्पष्टा नास्ति। बालीवुड अभिनेत्री कङ्गनारणौतः स्वस्य मुक्तकण्ठशैल्याः प्रसिद्धा अस्ति । कङ्गनारणौत रविवासरे प्रातःकाले कुल्लू-नगरस्य गान्धी-नगरस्य भाजपादलस्य राष्ट्रीयाध्यक्षस्य निवासस्थानं प्राप्तवती । जे.पी.नड्डा इत्यनेन सह मिलित्वा कङ्गना मनाली-नगरस्य सिमसायां स्वनिवासस्थानं प्रत्यागतवती । कङ्गना अद्यत्वे मनालीनगरे एव तिष्ठति।
अभिनेत्री कंगना रनौत जगतप्रकाशनड्डावर्येण सह अमिलत्
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment
Leave a comment
