कलियाचकविक्रमकिशोर-आदर्शसंस्कृतमहाविद्यालयस्य “A” श्रेणीप्राप्तिः
वार्ताहर: – जगदीशडाभी
केन्द्रीयसंस्कृतविश्वविद्यालयानुमोदितस्य कलियाचकविक्रमकिशोर-आदर्शसंस्कृतमहाविद्यालयस्य नवम्वरमासस्य षष्ठदिनाङ्के श्रेणीनिर्धारणप्रवरसमितिद्वारा श्रेणीनिर्धारणनीरिक्षणमासीत्। अस्य परिणामोद्घोषणम् अद्य दि. -19/12/2024 सायं 3 घटिकायां केन्द्रीयसंस्कृतविश्वविद्यालयस्य सम्माननीयेन कुलपतिना प्रो. श्रीनिवासवरखेडीवर्येण ऑनलाइन्माध्यमेन आयोजिते कार्यक्रमे उद्घोषितम्। तत्र फलस्वरूपम् अस्माकं महाविद्यालयः सर्वोत्तम “A” श्रेणीमवाप्नोत्। पञ्चविंशतिवर्षीयस्य महाविद्यालयस्य कृते क्षणोऽयम् अतीव गौरवमयोऽस्ति। अस्मिन्नवसरे अस्याः सफलतायाः कृते यशस्विनां कुलपतिवर्याणां कृते नतःनतिपुरस्सरं कृतज्ञतां विनिवेदयति अयं महाविद्यालयः। किञ्च केन्द्रीयसंस्कृतविश्वविद्यालयस्य कुलसचिवानां, शैक्षणिकसङ्कायनिदेशकानां तथा च श्रेणीनिर्धारणप्रवरसमितेः अध्यक्षसमेतसम्माननीयसदस्यानां कृते आधमर्ण्यं प्रकटयन्ति महाविद्यालयपरिवारसदस्याः।
