Himsanskritnews Headlines : विद्यालयीयछात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- प्रधानमन्त्रिणा मोदिना प्रतिपादितं यत् क्वाड् समूहीकरणं स्वतन्त्रस्य, मुक्तस्य, समावेशी, समृद्धस्य च भारत-प्रशांतस्य कृते प्रतिबद्धम् अस्ति। भारतं पञ्चविंशत्यधिक द्वि सहस्रतमे वर्षे क्वाड्- शिखरसम्मेलनस्य आतिथ्यं विधास्यति।
- रविवासरे रात्रौ प्रधानमन्त्री मोदी न्यूयॉर्कनगरे भारतीयसमुदायस्य समागमं सम्बोधयिष्यति।
- भारतेन अमेरिकादेशस्य डेलावेर्-नगरे स्वच्छ अर्थव्यवस्था, निष्पक्ष अर्थव्यवस्थामालक्ष्य हिन्द-प्रशांत-आर्थिक-रूपरेखा-आईपीईएफ इत्यत्र सन्धिपत्राणि हस्ताक्षरितानि।
- श्रीलङ्कादेशे राष्ट्रपतिनिर्वाचनानां मतगणना द्वितीयचरणे संप्राप्ता । यतः प्रथमचरणस्य अपेक्षितं पञ्चाशत् प्रतिशतमतानि केनापि प्रत्याशिनेन न प्राप्तानि।
- भारतेन चेन्नई-नगरे प्रथम-क्रिकेट-निकष-स्पर्धायां बांग्लादेशदलम् अशीत्युत्तर-द्विशतं धावनाङ्कै: पराजितम्।
हिमाचलवार्ता:
- उच्चशक्तियुक्तानि विद्युतीय एवं विद्युतोपकरणानि अधुना २०० डिग्री सेल्सियसपर्यन्तं तापमाने कुशलतया कार्यं करिष्यन्ति। एतेन विद्युत्वाहनानां, उच्चवोल्टेजसञ्चारस्य, औद्योगिकस्वचालनस्य च कार्यक्षमता वर्धते। भारतीय- प्रौद्योगिकी- संस्थान (आईआईटी) गुवाहाटी इत्यस्य इलेक्ट्रॉनिक्स एवं विद्युताभियांत्रिकी विभागस्य सहायकाचार्य: डॉ. अंकुशबागस्य नेतृत्वे आईआईटी मंडी इत्यस्य, आस्ट्रिया प्रौद्योगिकी विश्वविद्यालय: वियना इत्यस्य च संवेदकं तथा एक्ट्यूएटर प्रणाली संस्थानस्य शोधकर्तृणां नेतृत्वे विशेषार्धचालकानां कृते सामग्रीं विकसिता अस्ति।
- शिक्षामन्त्रिणः आदेशानुसारम् अधुना उच्चशिक्षानिदेशालयेन २४ सितम्बरदिनाङ्के सर्वेषां मण्डलानाम् उपनिदेशकानां आभासीयसभा आहूता। उच्चतरशिक्षानिदेशकस्य अमरजीतशर्मण: पक्षतः सर्वेभ्यः जनपदेभ्यः अस्य विषये पत्रं निर्गतम् अस्ति। एषा सभा प्रातः ११:३० वादने भविष्यति, यस्मिन् सर्वेषां उपनिदेशकानां शिक्षासम्बद्धानां १३ कार्यसूचनानां सूचना दातव्या भविष्यति। विशेषं वस्तु अस्ति यत् राज्यसर्वकारः अधुना उच्चविद्यालयानाम् अपि विलयस्य सज्जतां करोति।
- विपक्षस्य नेता जयरामठाकुरः उक्तवान् यत् सुक्खुसर्वकारः प्रतिदिनं राज्यस्य जनेभ्य: आघातं ददाति। निर्वाचनकाले लोकतावादीनां प्रतिज्ञां कुर्वन् काङ्ग्रेसपक्षः विस्मृतवान् यत् सर्वकारस्य संचालनं राज्यस्य जनानां उपरि महार्घताया: भारं आरोपयितुं इव नास्ति। ये निर्वाचनसमये सर्वं मुक्त-मुक्त-मुक्तं घोषयन्ति ते पूर्वमेव उपलब्धा: सुविधा: हरन्ति। विद्युत्पश्चात् सुक्खुसर्वकारेण इदानीं जनेभ्य: जलस्य आघातः दत्तः अस्ति।
- अधुना राज्ये जलं निःशुल्कं न प्राप्यते, ग्रामेषु प्रतिमासं देयकं दातव्यं भविष्यति
- अक्टोबरमासस्य प्रथमदिनात् मूल्यानि वर्धन्ते, ग्रामीणक्षेत्रेषु प्रतिमासं प्रतिसंयोजनं १०० रुप्यकाणि गृह्यन्ते।
- २० किलोसेटकपर्यन्तं जलस्य उपयोगेन १९.३० रुप्यकाणि व्ययितानि भविष्यन्ति ।
- न्यूनतमं अनुरक्षणशुल्कं ११० रुप्यकाणि भविष्यति, यदि मीटर् क्षतिग्रस्तः भवति तर्हि मासिकं ४४४.०७ रुप्यकाणि शुल्कं स्वीकरिष्यते।
