भारतं ब्राजील् च ऊर्जाक्षेत्रे विद्यमानसहकार्यस्य समीक्षां कृतवन्तौ

भारतं ब्राजील् च ऊर्जाक्षेत्रे विद्यमानसहकार्यस्य समीक्षां कृतवन्तौ
हिमसंस्कृतवार्ताः। भारतं ब्राजील् च ऊर्जाक्षेत्रे प्रचलितस्य सहकार्यस्य तथा द्विपक्षीयव्यापारे परस्परं लाभप्रदसम्बन्धानां समीक्षां कृतवन्तौ तथा च स्थायि-इन्धनेषु विशेषतः जैव-इन्धनेषु संलग्नतायाः च समीक्षां कृतवन्तौ। अस्मिन् विषये सूचना पेट्रोलियम-प्राकृतिकगैसमन्त्री हरदीपसिंहपुरी-ब्राजीलस्य खान-ऊर्जा-मन्त्री अलेक्जेण्डर्-सिल्वेरयोः समागमानन्तरं संयुक्तवक्तव्ये प्राप्ता । पुरीमहोदयः गुरुवासरात् आरभ्य ब्राजीलदेशस्य त्रिदिवसीययात्रायां वर्तते। समागमे ब्राजीलदेशे भारतीयकम्पनीनां उपस्थितिवर्धनार्थं सम्भाव्यावकाशानां परिचयं वर्धयितुम् उभयपक्षौ प्रतिबद्धौ स्तः। एतेषु नूतनाः निवेशस्य अवसराः अपि समाविष्टाः भविष्यन्ति। भारतस्य ब्राजीलस्य च व्यापारं वर्धयितुं नवीनमार्गाणां अन्वेषणस्य विषये अपि उभौ नेतारौ चर्चां कृतवन्तौ।
वैश्विकजैवईंधनगठबन्धनस्य संस्थापकसदस्यत्वेन उभयपक्षाभ्यां वैश्विकोर्जास्रोतरूपेण जैवईंधनस्य प्रचारार्थं गठबन्धनस्य प्रमुखा भूमिका भविष्यति इति तथ्यस्य उपरि बलं दत्तम्। एतेन न केवलं स्थायिवातावरणं सुनिश्चितं भविष्यति अपितु सामाजिका आर्थिकप्रगतिः अपि भविष्यति ।
उभौ पक्षौ अङ्गीकृतवन्तौ यत् भारतं ब्राजील् च स्वस्य विद्यमानस्य इथेनॉल-बायोडीजल-उत्पादनस्य आधारभूतसंरचनायाः, वर्धमानस्य विमानन-विपण्यस्य, स्वस्य कृषि-सम्पदां सहितस्य च स्वस्य विशाल-ऊर्जा-सञ्चय-क्षमतायाः लाभं ग्रहीतुं समर्थौ स्तः, स्थायि-विमाननस्य उत्पादनं, उपयोगे च सहकार्यं कर्तुं च सम्यक् तिष्ठतः |
आगामिवर्षस्य फरवरीमासे भविष्माणस्य भारत-ऊर्जा-सप्ताहस्य २०२५ तमस्य वर्षस्य पार्श्वे भारत-ब्राजील-स्वच्छपाक-मन्त्रि-समागमस्य आयोजने अपि उभयदेशाभ्यां ध्यानं प्रदत्तम्। अस्य सम्मेलनस्य उद्देश्यं पाककलायां स्वच्छोर्जायाः उपयोगस्य सहकारिमार्गान् अन्वेष्टुं सामूहिकं अवसरं प्रदातुं वर्तते।