स्वर्वेदमन्दिरम्- प्रधानमन्त्रिणा वाराणस्याः उमरहायां नवनिर्मितस्य स्वर्वेद- महामन्दिरस्य उद्घाटनं कृतम्

स्वर्वेदमन्दिरम्- प्रधानमन्त्रिणा वाराणस्याः उमरहायां नवनिर्मितस्य स्वर्वेद- महामन्दिरस्य उद्घाटनं कृतम्।
प्रधानमन्त्रिणा नरेन्द्र-मोदिना उक्तं यत् विकसित- भारतस्य कृते महिलानां, यूनां, कृषकाणां, निर्धनानां च विकासः अपेक्षते। सर्वकारः विकसित- भारत- संकल्प- यात्रायाः माध्यमेन प्रत्येक- लाभार्थिनः काल्याणकारी- योजनानां लाभ- प्रदानाय यथासम्भवं प्रयासरतः अस्ति। तेन स्वीय- संसदीय- क्षेत्रे वाराणस्यां विंशति: सहस्र- कोटि- रूप्यकात्मिकां सप्तत्रिंशत् विकास- परियोजनानां शुभारम्भं कुर्वता उक्तम्। अस्मिन् अवसरे जनसभां सम्बोधयता प्रधानमन्त्रिणा उक्तं यत् विकसित- भारत- संकल्प- यात्रा देशस्य सहस्रं यावत् ग्रामेषु नगरेषु च सम्प्राप्तवती। प्रधानमन्त्रिणा नरेन्द्र-मोदिना उक्तं यत् स्वतन्त्रतायाः दशकानन्तरं सम्प्रति देशस्य आध्यात्मिक- स्थलानां विकासैः सममेव आर्थिक- विकासस्य नूतन- कीर्तिमानाः अपि निर्मीयन्ते। मोदिना वाराणस्याः उमरहायां नवनिर्मितस्य स्वर्वेद- महामन्दिरस्य उद्घाटनानन्तरम् उक्तं यत् आयोध्यायां राममन्दिरस्य निर्माणकार्यम् अपि शीघ्रमेव सम्पन्नं भविष्यति। प्रधानमन्त्री उत्तरप्रदेशे स्वीय- संसदीय- क्षेत्रस्य ‌द्विदिवसीय यात्रायां वर्तते। महामन्दिरस्य भक्तानां सम्बोधयता मोदिना जनैः स्वीय- जीवने नवधा- व्यवहारान् व्यवहर्तुम् आग्रहं कृतवान्, एतेषु जलसंरक्षणम्, डिजिटल- भुगतान- सम्वर्धनम्, स्वछता, लोकल- फॉर- वोकल, देशस्य विभिन्न- स्थलानां यात्रा, प्राकृतिक- कृषि- कार्यम्, बाजरा इति खाद्यान्नस्य सम्बर्धनम्, स्वास्थ्य-सम्बर्धनम्, निर्धनानां सहयोगम् च सम्मिलिताः सन्ति। सुन्दरं कलाकृतियुक्तं, सपादशतं यावत् कमलदलस्य मंदिरशिखरं, विंशतिः सहस्र- जनानां क्षमतायाः सप्ततलस्य मन्दिरमपि एकं प्रतिष्ठितं ध्यानकेन्द्र- रूपेण भविष्यति। मन्दिरस्य निमार्णं प्रायः विंशतिः वर्षात् प्रचलति। महामन्दिरं त्रिलक्ष- वर्ग- फिटमित्यावत् विस्तृतं वर्तते। अस्य भित्तेः उपरि मकराना- संगमरमर- पाषाणयोः उत्कीर्ण- स्वर्वेदस्य सप्तत्रिंशदधिकैकत्रिंशत् शतम् यावत् श्लोकाः उत्कीर्णाः सन्ति। स्वर्वेदः एकः आध्यात्मिक: ग्रन्थः वर्तते, यस्य लेखनं सद्‌गुरु सदाफल देवजी महाराज इत्यनेन कृतमस्ति, यः एकः योगी, विहंगम् योगस्य संस्थापकः चापि वर्तते।