Deputy CM: केन्द्रीयमंत्रिण: जलजीवनमिशनस्य अवशिष्टांशं प्रार्थितम्
उपमुख्यमन्त्री मुकेश अग्निहोत्री जलशक्तिमन्त्रिणा सी. आर. पाटिलेन दिल्लीनगरे मिलितवान्।
हिमसंस्कृतवार्ता: – कार्यालयीय: प्रतिनिधि:।
दिल्लीनगरे उपमुख्यमन्त्री मुकेश अग्निहोत्री केन्द्रीयजलशक्तिमन्त्रिणा सी. आर. पाटिलेन मिलितवान्। अस्मिन् काले सः हिमाचलसम्बद्धविषयेषु स्वमतानि प्रस्तुतवान्। जलजीवनमिशनस्य अन्तर्गतं हिमाचलप्रदेशस्य अवशिष्टांशस्य राशि: तथा फिन्नासिंहपरियोजनाया: स्वीकृतराशिं विमोचयितुम् आग्रहं कृतवान्। अस्मिन् अवसरे सः सिञ्चनयोजना-२ इत्यस्य अनुमोदने विलम्बस्य विषये अपि सूचितवान् । सः अवदत् यत् वर्तमानवित्तीयवर्षस्य कृते भारतसर्वकारेण जलजीवनमिशनस्य अन्तर्गतं ९१६.५३ कोटिरूप्यकाणि स्वीकृतानि, परन्तु अधुना यावत् केवलं १३७.४८ कोटिरूप्यकाणि एव आवंटितानि सन्ति।
मुकेश अग्निहोत्री इत्यनेन जलजीवनमिशनस्य प्रथमद्वितीयांशं च मुक्तं भवेत् येन प्रचलितानां योजनानां समाप्तिः सुनिश्चिता भवति। केन्द्रीयमन्त्री सी. आर. पाटिलः आश्वासनं दत्तवान् यत् सः स्थितिविषये अवगतः अस्ति, शीघ्रमेव धनं मुक्तं भविष्यति। सः ६७ शीतकालीन- जलापूर्तियोजनानां कार्यान्वयनस्य अनुमतिविषये केन्द्रीयमन्त्रिणा समक्षं विषयं उत्थापितवान्। ५१७.१६ कोटिरूप्यकाणि (जीवन्तग्रामयोजना सहितम्) अपि चर्चां कृत्वा एतासां योजनानां अनुमोदनं कर्तुम् अनुरोधः कृतः। केन्द्रीयमन्त्री सी.आर.पाटिलः सहानुभूतिपूर्वकं विषये विचारं करिष्यामि इति आश्वासनं दत्तवान्। सीआर पाटिलेन उक्तं यत् एतासां योजनानां अनुमोदनपत्रं तत्क्षणमेव निर्गतं भविष्यति, धनस्य आबंटनम् अपि शीघ्रमेव भविष्यति।
