BJP Himachal : १८ दिसम्बर दिनाङ्के ज़ोरावर- क्रीडाङ्गणे भाजपाया: प्रदर्शनम्
हिमसंस्कृतवार्ता: – धर्मशाला।
प्रशासनिक जनपदे कांगड़ायां भारतीय- जनता- पार्टीति दलेन परिधिगृहे धर्मशालायां दलस्य वरिष्ठनेता, पूर्वविधानसभाध्यक्ष:, कांगड़ा- चम्बाया: भाजपाप्रभारी एवं विधायक: विपिनसिंहपरमार:, हिमाचलप्रदेश- भारतीय- जनता- पार्टीति दलस्य महासचिवस्य त्रिलोक कपूरस्य उपस्थितौ गोष्ठीं कृतवान्। गोष्ठ्यां प्रशासनिकजनपदस्य कांगड़ाया: भाजपाया: नेतार: त्रयाणां मण्डलानां च प्रमुखा: नेतार: उपस्थिता: अभवन्।
सत्रे १८ दिसम्बर दिनाङ्के सुक्खुसर्वकारस्य लक्ष्यीकर्तुं रणनीतिः निर्मिता। सभायां सर्वा: व्यवस्था: चर्चिता:। अस्मिन्नवसरे भारतीय- जनता- पार्टीति दलस्य प्रदेशोपाध्यक्ष: व विधायक: पवनकाजल:, भाजपाया: प्रदेशप्रवक्ता राकेश शर्मा, संजय शर्मा, हिमाचलप्रदेशभाजपाया: सहमीडियाप्रभारी अधिवक्ता विश्वचक्षु:, जिलाकांगड़ाया: भाजपाध्यक्ष: सचिनशर्मा, महासचिव: देवेन्द्र कोहली, पूर्वविधायक: अरुणकुमार कुका, पूर्वविधायक रीताधीमान, भाजपाप्रत्याशी संजय गुलेरिया, नूरपुर- संगठनात्मक- जनपदस्य अध्यक्ष: रमेशराणा, अन्ये भाजपानेतार: कार्यकर्तारश्च उपस्थिता: अभवन्।
