Dussehra Festival: मुख्यमन्त्री जाखौ रावणदहनं कृतवान्
हिमसंस्कृतवार्ता: – शिमला।
मुख्यमंत्री सुखविन्द्रसिंहसुक्खु: दशहरामहोत्सवस्य शुभावसरे श्रीहनुमानमंदिर जाखु इत्यत्र पूजा-अर्चनां कृत्वा राज्यस्य सुखसमृद्धे: कामनाम् अकरोत्। अस्मिन् अवसरे मुख्यमन्त्री रावणस्य, मेघनाथस्य, कुम्भकरणस्य च प्रतिरूपाणाम् अपि दहनं कृतवान्। मुख्यमंत्री उक्तवान् यत् दशहरामहोत्सव: असत्यस्योपरि सत्यस्य विजयस्य प्रतीक: अस्ति। अतः अस्माभि: सत्यमार्गस्य अनुसरणं कर्तव्यम्। अस्मिन्नवसरे विधायक: हरीश जनार्था, महापौर: सुरेन्द्र: चौहान:, स्थानीयपार्षद: अतुलगौतम:, नगरनिगमस्य अन्ये पार्षदा:, विभिन्नसङ्घटनानां प्रतिनिधय:, उपायुक्त अनुपम कश्यप:, पुलिसाधीक्षक: संजीव गांधी आदय: उपस्थिता अभवन्।
Dussehra Festival: मुख्यमन्त्री जाखौ रावणदहनं कृतवान्
नमस्कार मित्राणि! अहमस्मि डॉ.अमनदीपशर्मा। अहं हिमाचलप्रदेशस्य शिक्षाविभागे संस्कृतशिक्षकोऽस्मि। कांगड़ा जनपदस्य कस्बाकोटला (भटेड़) इत्याख्ये ग्रामे अहं वसामि, किञ्च स्वग्रामात् एव संस्कृतस्य प्रचारप्रसारकार्यं मया क्रियते। अधुना शैक्षणिकसंस्थासु आधुनिकभाषारूपेण संस्कृतस्य प्रचारः भवेत्, एतदर्थम् अहम् हिमसंस्कृतवार्ताः, संस्कृतगुरु 24 इत्यनयोः प्रकल्पयोः माध्यमेन कार्यं कुर्वन्नस्मि। यदि भवन्तः मदीयेन कार्येण सन्तुष्टा तर्हि अस्माकं सहयोगं कुर्वन्तु , अस्माकं संस्कृतप्रसारस्य ये प्रकल्पाः लोके प्रचलन्ति तान् सर्वत्र प्रसारयन्तु। अस्माकं कृते आनन्दस्य विषयः यत् हिमसंस्कृतवार्ता संस्कृतपत्रकारितायाः विषये हिमाचलप्रदेशस्य प्रथमः प्रकल्पः इदानीम् आविश्वे कीर्तिम् प्राप्नोति।
Leave a comment