जे.पी. नड्डा W.H.O. दक्षिणपूर्व एशियाक्षेत्रीयसमितेः ७७ तमे अधिवेशनस्य अध्यक्षत्वेन अपि निर्वाचितः

जे.पी. नड्डा W.H.O. दक्षिणपूर्व एशियाक्षेत्रीयसमितेः ७७ तमे अधिवेशनस्य अध्यक्षत्वेन अपि निर्वाचितः
केन्द्रीयस्वास्थ्यमन्त्री जगतप्रकाशनड्डा उक्तवान् यत् भारतस्य स्वास्थ्यव्यवस्थायाः सार्वभौमिकस्वास्थ्यकवरेज-यूएचसी-प्राप्त्यर्थं “समग्रसर्वकारस्य ” “समग्रसमाजस्य” च दृष्टिकोणं स्वीकृतम् अस्ति। अस्य अन्तर्गतं प्राथमिकस्वास्थ्यसेवायाः, आवश्यकसेवानां च सुदृढीकरणे बलं दत्तम् अस्ति ।
विश्वस्वास्थ्यसङ्गठनस्य-डब्ल्यूएचओ दक्षिणपूर्व एशियाक्षेत्रस्य ७७ तमे अधिवेशनं सम्बोधयन् श्री नड्डा अवदत् यत् सर्वकारस्य आयुषमानभारत-प्रधानमन्त्री जन आरोग्ययोजनायाः लाभः १२ कोटिभ्यः अधिकेभ्यः परिवारेभ्यः प्राप्तः अस्ति तथा च प्रत्येकं परिवारं चिकित्सालयस्य चिकित्सायाः कृते षट् सहस्राणि डॉलरं प्राप्नोति ।
श्री नड्डा उक्तवान् यत् भारतेन पारम्परिकचिकित्सायाः वैश्विककेन्द्रस्य निर्माणे डब्ल्यूएचओ-संस्थायाः समर्थनं कृतम् अस्ति। सः अवदत् यत् भारतं उच्चरक्तचापः, मधुमेहः, हृदयरोगाः इत्यादीनां परिस्थितीनां निवारणाय २०१० तः असंक्रामकरोगनिवारणनियन्त्रणस्य राष्ट्रियकार्यक्रमं कार्यान्वितवान् अस्ति। अस्य उपक्रमस्य कारणेन प्रारम्भिकचरणस्य निवारकपरिहारेषु केन्द्रीकरणार्थं ७५३ एनसीडी-चिकित्सालयाः, ३५६ दिवसपालनकेन्द्राणि, ६,२३८ सामुदायिकस्वास्थ्यकेन्द्राणि च स्थापितानि सन्ति
श्री नड्डा W.H.O. दक्षिणपूर्व एशियाक्षेत्रीयसमितेः ७७ तमे अधिवेशनस्य अध्यक्षत्वेन अपि निर्वाचितः अस्ति ।